Video
Read full review
2022-11-02
111 views
今日經過何文田愛民廣場見到一間，餐廳個名好得意，叫做熊貓小雲吞，地方雖然唔大，但環境明亮而簡潔，加上一向好鐘意小雲吞嘅我，就決定試下佢啦！餐牌選擇非常多，不過我地就揀左二人餐，有主菜、小食、甜品、飲品，咁豐富都只係$128。然後，又見到餐牌上有個串串香鍋都好似好好食，同一直好鐘意嘅冰粉，於是乎好貪心咁2樣都點哂。小棠菜豚肉雲吞小雲吞餡入面包左豬肉同小棠菜，肉餡調味恰到好處，不過就唔係太食到小棠菜嘅口感，細細粒啱啱好 皮薄如紙滑溜溜 一啖一粒 。湯底揀咗紫菜蝦米湯，味道清淡但好美味。好鐘意佢多蔥花，飲上來好清新。油蔥酥肉燥熱撈麵撈麵即叫即整，上枱時熱辣辣，油蔥酥肉好香，好惹味，叫左小辣都幾辣下。配料有辣菜圃、黃金豆，青瓜絲，增加口感，麵更可選粗或幼麵，不過撈麵醬汁味道有點小鹹，份量可更多就好，不過配上雲吞湯就啱啱好。芝麻鹽焗手撕雞調味啱啱好，唔會過咸，雞肉嫩滑得呢，好有有雞味，個底有爽口青瓜絲，夾住食好清爽、好味，不過小小不足係唔太食到芝麻嘅香味。串串香鍋$40有少少似麻辣湯底嘅打邊爐。配料豐富，有長洲大魚蛋、牛丸、貢丸、豆腐串、台灣香腸、白蘿蔔、海帶。最好食就緊係豆腐串，因為可以嗦哂D
今日經過何文田愛民廣場見到一間，餐廳個名好得意，叫做熊貓小雲吞，地方雖然唔大，但環境明亮而簡潔，加上一向好鐘意小雲吞嘅我，就決定試下佢啦！
餐牌選擇非常多，不過我地就揀左二人餐，有主菜、小食、甜品、飲品，咁豐富都只係$128。然後，又見到餐牌上有個串串香鍋都好似好好食，同一直好鐘意嘅冰粉，於是乎好貪心咁2樣都點哂。
一口小棠菜雲吞
2 views
0 likes
0 comments
小棠菜豚肉雲吞
小雲吞餡入面包左豬肉同小棠菜，肉餡調味恰到好處，不過就唔係太食到小棠菜嘅口感，細細粒啱啱好 皮薄如紙滑溜溜 一啖一粒 。湯底揀咗紫菜蝦米湯，味道清淡但好美味。好鐘意佢多蔥花，飲上來好清新。
油蔥酥肉燥熱撈麵
13 views
0 likes
0 comments
油蔥酥肉燥熱撈麵
撈麵即叫即整，上枱時熱辣辣，油蔥酥肉好香，好惹味，叫左小辣都幾辣下。配料有辣菜圃、黃金豆，青瓜絲，增加口感，麵更可選粗或幼麵，不過撈麵醬汁味道有點小鹹，份量可更多就好，不過配上雲吞湯就啱啱好。
芝麻鹽焗手撕雞
5 views
0 likes
0 comments
芝麻鹽焗手撕雞
調味啱啱好，唔會過咸，雞肉嫩滑得呢，好有有雞味，個底有爽口青瓜絲，夾住食好清爽、好味，不過小小不足係唔太食到芝麻嘅香味。
串串鍋
$40
7 views
0 likes
0 comments
串串香鍋$40
有少少似麻辣湯底嘅打邊爐。配料豐富，有長洲大魚蛋、牛丸、貢丸、豆腐串、台灣香腸、白蘿蔔、海帶。最好食就緊係豆腐串，因為可以嗦哂D汁！
紅糖糍粑
8 views
0 likes
0 comments
紅糖糍粑
紅糖糍粑好好食，一定要試。外皮金黃色，咬落去先係食到脆脆嘅外皮，再到裡面軟糯香甜，煙煙韌韌，再配上淋係表面嘅紅糖漿同黃豆粉，味道醇厚，美味可口，完全冇抗拒力，有衝動想叫多一碟。
冰粉
4 views
0 likes
0 comments
冰粉$16
喜歡蒟蒻嘅朋友，應該都會鐘意。食冰粉前會加糖漿、脆脆花生粒、山楂碎。增添酸甜感同口感，味道冰涼香甜，嫩滑爽口。
5 views
0 likes
0 comments
洛神花茶 / 西柚茶
洛神花茶比較清淡，西柚茶相比之下好飲好多，有西柚香味，清香。兩款飲品都係少糖，好解到膩同辣味。
麻辣醬
6 views
0 likes
0 comments
麻辣醬$35
店內仲有多款自家製醬料售買，全部由新鮮本地製造，我就揀一款麻辣醬試吓，係打邊爐、整手撕雞、涼拌、或者食麵個陣都可以加少少，又麻又辣，正！
總體：
環境衛生，上餐快速，雖然係連鎖店，但係員工都好友善，食物品質、味道都好唔錯，好岩我嘅口味，好希望佢開多幾間係荃灣附近，咁我會一定會成日去幫襯嫁！
Post
