富豪坊

Open Now

Now Closed

一個移咗民嘅朋友返嚟香港住沙田麗豪酒店，約左喺「富豪坊」飲茶，呢間酒樓午市除了點心供選擇外仲有很多單點餸菜呢！酒樓環境舒適，十分寬敞。 雖然位於酒店裏面，但有着一般酒家嘅熱鬧和溫暖嘅氛圍，服務方面絕對有酒店嘅級數。甘脆蝦多士唔係好多酒樓有，多士食十分鬆脆，蝦膠嘅份量頗多，而且夠鮮味和食落彈牙。原隻鮑魚濃湯灌湯餃用料十足，原隻鮑魚好入味，配埋鮮甜濃郁嘅湯底，真係富豪食嘅灌湯餃。蜜味酥皮焗鱈魚一口咬落個酥皮做得鬆脆，中間嘅鱈魚魚油味濃郁，跟蜜糖嘅味道好匹配。富豪鮮蝦餃蝦餃皮夠薄，晶凝通透、蝦嘅份量夠多和新鮮之外，還混入了竹筍，味道夠晒正宗。香菰湯羅漢鮮竹卷鮮竹卷嘅腐皮豆香味濃，包在裏面嘅餡料都非常入味，口感爽脆彈牙。椒鹽象拔蚌片第一次咁食象拔蚌，鮮甜和爽口嘅象拔蚌片，包上沾滿椒鹽嘅一層薄薄脆漿，味道豐富，絕對有驚喜。手工芝麻卷芝麻卷做得夠滑身，芝麻味好出，食埋呢個甜品就大滿足。