Video
Read full review
2019-12-10
235 views
難得一個月只得一日放星期六，不妨瞓晏少少，食Brunch都幾好。由於就近聖誕節，好多地方都加推活動，今次造訪了如心南灣海景酒店。因為食Brunch之餘，小朋友有興趣，大可加錢參加cooking class，整返幾塊曲奇餅。海鮮 有海蜆及中蝦，蜆肉雖然細隻，但食落無砂，感覺良好，至於海蝦真係好大隻，肉質爽彈，幾好。刺身及壽司有甜蝦、玉子、三文魚及鯛魚。熱葷京都骨是餐廳名物，必食。蘿蔔關東煮蘿蔔果然係最受歡迎，食遲少少都無晒，不過都仲有雞蛋同獅子狗魚蛋。另外，有乾燒伊麵、豆角炒豬頸肉及炆豬軟骨，反正是 Brunch，早餐都未食，就啱啱好。麵檔作為澱粉怪，當然是整返碗，簡單的點了水魷及牛柏葉配油麵底，其實仲有豆卜、牛丸、貢丸、生菜及小棠菜，清清地都可以。天婦羅有蕃薯及茄子，炸漿其實幾薄，但略嫌油份較多。粥檔其實如果唔係怕血糖標高，都幾鍾意食粥，好彩今次份量少少，反而落配料仲多，只係點了有雞肉同皮蛋，仲有咸蛋、魚肉及瘦肉，粥底幾綿而且淡口，幾好吖！湯西湯係野菌忌廉湯，而中湯係淮山杞子煲北芪黨參，味道都足夠，但個人覺得可以煲耐少少，因為藥材味仲未完全發揮。甜品近門口的甜品專區，可以搵到雲石芝
難得一個月只得一日放星期六，不妨瞓晏少少，食Brunch都幾好。
由於就近聖誕節，好多地方都加推活動，今次造訪了如心南灣海景酒店。
因為食Brunch之餘，小朋友有興趣，大可加錢參加cooking class，整返幾塊曲奇餅。
海鮮
有海蜆及中蝦，蜆肉雖然細隻，但食落無砂，感覺良好，至於海蝦真係好大隻，肉質爽彈，幾好。
刺身及壽司
有甜蝦、玉子、三文魚及鯛魚。
熱葷
京都骨是餐廳名物，必食。
蘿蔔關東煮
蘿蔔果然係最受歡迎，食遲少少都無晒，不過都仲有雞蛋同獅子狗魚蛋。
另外，有乾燒伊麵、豆角炒豬頸肉及炆豬軟骨，反正是 Brunch，早餐都未食，就啱啱好。
麵檔
作為澱粉怪，當然是整返碗，簡單的點了水魷及牛柏葉配油麵底，其實仲有豆卜、牛丸、貢丸、生菜及小棠菜，清清地都可以。
天婦羅
有蕃薯及茄子，炸漿其實幾薄，但略嫌油份較多。
粥檔
其實如果唔係怕血糖標高，都幾鍾意食粥，好彩今次份量少少，反而落配料仲多，只係點了有雞肉同皮蛋，仲有咸蛋、魚肉及瘦肉，粥底幾綿而且淡口，幾好吖！
湯
西湯係野菌忌廉湯，而中湯係淮山杞子煲北芪黨參，味道都足夠，但個人覺得可以煲耐少少，因為藥材味仲未完全發揮。
甜品
近門口的甜品專區，可以搵到雲石芝士餅、開心果杏仁蛋糕、歌劇院蛋糕、芒果椰絲慕絲蛋糕、綠茶意式奶凍、朱古力布甸、蛋白栗子杯、特色忌廉筒、白朗月冰卷、香芋布甸及荔枝布甸。
而中式甜品有紫米椰奶露、柚子蜜脆蛋散、即製夾餅及焗麵包布甸。
雪糕有紅豆及朱古力味，不過是本地牌子，如果換上自助餐常客的品牌，相信會更受歡迎。
水果
有菠蘿及西瓜，菠蘿狀態大勇，好多都又熟又甜，而西瓜清爽甜美，用作壓軸一流。
Post
