Video
Read full review
2022-03-16
1271 views
就咁睇個名1988仲以為係西餐廳，其實係食泰國野，位於觀塘工廠大廈入面，門口都比較隱蔽唔起眼，搵左一陣先見到。店內裝修簡約，白色牆身配以綠色植物擺設做裝飾，唔算好有泰國風格。座位之間都闊落，冇擠迫感，環境舒適，而且店員服務態度好，有禮貌用qr code自助落單，午餐時段有大約八款lunch set選擇，都係平時常見嘅泰國菜式，包一杯嘢飲，大部分都唔使特別額外加錢，譬如泰式奶茶、梳打、水果茶，另外仲可以用優惠價追加小食同甜品。整體黎講，份量多抵食味道好價錢亦合理，推介👍🏻_➤泰式燒豬頸肉飯 Thai grilled pork neck with rice 🐷🍚$78豬頸肉嘅份量好足料，鋪滿成碗飯，大大塊切得都算厚身平均，肥瘦適中，外層燒到微焦，整體唔乾又唔韌幾嫩，肉質爽有嚼口。肉本身已經調左味，甜甜地，配埋秘製嘅酸辣泰式醬汁，少辣幾開胃。不過個飯係淨白飯無汁，食落幾dry，唯有用個酸辣汁撈飯，點知越食越辣。仲有我地高估左自己嘅食量，叫左多飯，差啲食唔晒😂➤菠蘿炒飯 Pineapple fried rice 🍍🍚$88一碟都好大份，金黃色嘅飯粒粒粒分明，帶少少泰國香料味，但略嫌個飯炒得唔夠
用qr code自助落單，午餐時段有大約八款lunch set選擇，都係平時常見嘅泰國菜式，包一杯嘢飲，大部分都唔使特別額外加錢，譬如泰式奶茶、梳打、水果茶，另外仲可以用優惠價追加小食同甜品。整體黎講，份量多抵食味道好價錢亦合理，推介👍🏻
_
➤泰式燒豬頸肉飯 Thai grilled pork neck with rice 🐷🍚$78
豬頸肉嘅份量好足料，鋪滿成碗飯，大大塊切得都算厚身平均，肥瘦適中，外層燒到微焦，整體唔乾又唔韌幾嫩，肉質爽有嚼口。肉本身已經調左味，甜甜地，配埋秘製嘅酸辣泰式醬汁，少辣幾開胃。不過個飯係淨白飯無汁，食落幾dry，唯有用個酸辣汁撈飯，點知越食越辣。仲有我地高估左自己嘅食量，叫左多飯，差啲食唔晒😂
泰式燒豬頸肉飯
$78
46 views
0 likes
0 comments
➤菠蘿炒飯 Pineapple fried rice 🍍🍚$88
一碟都好大份，金黃色嘅飯粒粒粒分明，帶少少泰國香料味，但略嫌個飯炒得唔夠乾身，偏軟同濕。配料非常豐富，有肉鬆、菠蘿粒，車厘茄、腰果、提子乾、三色豆，蝦球，幾乎每啖都吃到
菠蘿炒飯
$88
30 views
0 likes
0 comments
➤芒果拿破崙 Mango mille-feuille🥭(跟餐加$28)
雖然係泰國菜餐廳，但除咗芒果糯米飯之外，都有其他西式甜品選擇😂一見到店員攞上泥，心諗：咩藝術品呢？將一件拿破崙拆開左，成件事就好似麥記嘅醒晨早餐咁。分量偏少，得兩塊餅皮，不過擺碟都叫做精緻，酥皮薄脆，配合甜度剛好嘅吉士醬同香甜多汁嘅芒果🤤
芒果拿破崙
$28
37 views
0 likes
0 comments
➤泰式奶茶 Thai milk tea 🍵 不過不失，奶同茶嘅比例剛好，唔會太甜
泰式奶茶
28 views
0 likes
0 comments
➤西柚汁 Thai grapefruit tea🧃有一大片西柚係面，本身冇加任何糖，飲落有少少苦澀味偏酸，可以落糖中和下
西柚汁
19 views
0 likes
0 comments
_
🍽味道指數:★★★★☆
📷環境指數:★★★☆☆
🛎服務指數:★★★★☆
💰抵食指數:★★★★☆
😋推薦指數:★★★★☆
📍1988
興業街16-18號美興工業大廈A座1樓A3室
Post
