豪隍點心工房 (Closed)

星期六11點鬆啲去到，已經8成入座率。墨西哥叉燒包（中點 $26）熱辣辣，面層鬆脆，麵包軟腍，裡面叉燒少咸微甜，好味道。香茜牛肉腸（中點 $26）腸粉尚算滑，裡面牛肉不少，口感近似山竹牛肉球，味道OK。蝦仁燒賣皇（中點 $26）超大粒，等於坊間1.5倍，豬肉彈牙唔太肥，味道不錯。點心併盤（皇點 $50）蝦餃，又係超大粒，餃皮煙韌，裡面大量彈牙蝦肉。潮州粉果，大粒，餃皮薄一夾易穿，餡料足，傳統嘅味道。流沙包，麵包同樣軟腍，流沙奶皇味道正常，但偏少。叉燒包，麵包比較紮實，口感似生煎包，叉燒餡正常（墨西哥叉燒包好食啲）。整體水準不錯，味道好，份量亦大，價格合理，值得推介。PS：點心即叫即蒸（需要15-20分鐘），款款新鮮熱辣。PPS：$6@茶錢，免加一。