Video
Read full review
2018-05-07
120 views
朋友介紹話牛頭角工廠區入面有間意大利餐廳，二百幾蚊可以食到八道菜，仲要有生蠔鵝肝，我真係覺得難以置信。於是膽粗粗帶埋老公走到去牛頭角覓食。無花無假，真係八道菜，有頭盤、湯、主菜、甜品同飲品，好唔好食，就真係要試過先知。一人食一個套餐太多，所以我地兩個人點一個套餐再加一個pizza。頭盤有香煎鵝肝配蘋果醬，脆卜卜嘅法包配上煎得又香、入口即融嘅鵝肝，鵝油香味充斥住我嘅口腔，蘋果醬同鵝肝嘅味好夾，仲可以中和返鵝肝嘅油膩，老公食到合埋眼，好享受咁嘅樣😂另一道頭盤有三款：煙三文魚菠菜薯球、西班牙火腿、蟹肉茴香香橙沙律。我最喜歡係薯球，薯蓉同菠菜、三文魚碎混合得相當出色，外脆內軟滑。南瓜湯較稠身，好足料，南瓜蓉仲嗒得到。肉眼扒內裡仲粉紅，生熟程度剛剛好，好juicy，肉味濃，煎得好香，我鍾意配埋芥末醬食。底下仲有薯角。披薩皮係廚師搓粉而成，披薩邊烤得夠脆，餅皮頗有嚼勁。鋪滿芝士，仲有爽口嘅虎蝦同軟稔嘅亞枝竹，蒜香味非常惹味，兩個人食，份量剛剛好。甜品最驚喜係雪糕上面嘅牛油脆脆，香濃牛油味配合雲尼拿雪糕簡直一絕！侍應非常細心介紹餐牌，每人二百幾蚊可以享受到高質素嘅服務同食物，真係超值！
無花無假，真係八道菜，有頭盤、湯、主菜、甜品同飲品，好唔好食，就真係要試過先知。
一人食一個套餐太多，所以我地兩個人點一個套餐再加一個pizza。
頭盤有香煎鵝肝配蘋果醬，脆卜卜嘅法包配上煎得又香、入口即融嘅鵝肝，鵝油香味充斥住我嘅口腔，蘋果醬同鵝肝嘅味好夾，仲可以中和返鵝肝嘅油膩，老公食到合埋眼，好享受咁嘅樣😂
另一道頭盤有三款：煙三文魚菠菜薯球、西班牙火腿、蟹肉茴香香橙沙律。我最喜歡係薯球，薯蓉同菠菜、三文魚碎混合得相當出色，外脆內軟滑。
南瓜湯較稠身，好足料，南瓜蓉仲嗒得到。
肉眼扒內裡仲粉紅，生熟程度剛剛好，好juicy，肉味濃，煎得好香，我鍾意配埋芥末醬食。底下仲有薯角。
披薩皮係廚師搓粉而成，披薩邊烤得夠脆，餅皮頗有嚼勁。鋪滿芝士，仲有爽口嘅虎蝦同軟稔嘅亞枝竹，蒜香味非常惹味，兩個人食，份量剛剛好。
甜品最驚喜係雪糕上面嘅牛油脆脆，香濃牛油味配合雲尼拿雪糕簡直一絕！
侍應非常細心介紹餐牌，每人二百幾蚊可以享受到高質素嘅服務同食物，真係超值！
Post
