Video
Read full review
2019-10-11
244 views
作為一個藍田人黎講(尤其住麗港城既朋友)，對敏姐呢個名應該唔陌生~曾經跟朋友到過麗港軒食潮州菜，其蛋白蒸蟹真係令人回味。知道最近敏姐喺觀塘新商廈開店就帶老公一試。打開Menu樣樣都好想食，奈何今晚只有2個人用餐，咁就簡簡單單二餸一湯有魚又有肉，點左凍魚、湯同鹵水鵝~餐前小碟既蘸咸酸菜惹味可口，輕食數片真係胃口大開!胡椒咸菜豬肚湯每次食潮州菜唔少得既胡椒咸菜豬肚湯，湯水味道雖帶陣陣噗鼻既胡椒強悍氣味，入口卻毫不傖喉不辛口。趁熱舀一大碗喝後身驅漸冒起一種血脈沸騰之感，胡椒粒能起暖胃温腸，散寒既作用。湯水色澤奶白，每一啖都順滑兼冇大胡椒渣粒。豬肚咸菜兩者用料甚足，豬肚前期處理功夫亦做得徹底，完全沒有腥味又或是內臟味道，要嚐呢個湯品還是建議到菜館總比自己動手做來得簡便輕鬆!凍烏頭潮州以海洋產物豐庶見稱，除左為人熟悉既方魚肉碎蠔仔粥之外，凍烏頭都係慣常吃到既大眾化菜式。烏頭魚上碟時魚身已呈半開狀，潮州食法喜歡配上黃豆醬一起吃，把小幅魚肉片輕點醬汁更能提升魚鮮度，而且豆醬本體亦唔太咸味，用後不會口乾。魚肌結實鮮味且白潤，呢度會去掉大骨駱位，都幾細心，用叉起肉真係啖啖肉。鹵水鵝肉併鵝肝潮州鹵味非常有
曾經跟朋友到過麗港軒食潮州菜，其蛋白蒸蟹真係令人回味。
知道最近敏姐喺觀塘新商廈開店就帶老公一試。
打開Menu樣樣都好想食，奈何今晚只有2個人用餐，咁就簡簡單單二餸一湯有魚又有肉，點左凍魚、湯同鹵水鵝~餐前小碟既蘸咸酸菜惹味可口，輕食數片真係胃口大開!
胡椒咸菜豬肚湯每次食潮州菜唔少得既胡椒咸菜豬肚湯，湯水味道雖帶陣陣噗鼻既胡椒強悍氣味，入口卻毫不傖喉不辛口。趁熱舀一大碗喝後身驅漸冒起一種血脈沸騰之感，胡椒粒能起暖胃温腸，散寒既作用。湯水色澤奶白，每一啖都順滑兼冇大胡椒渣粒。豬肚咸菜兩者用料甚足，豬肚前期處理功夫亦做得徹底，完全沒有腥味又或是內臟味道，要嚐呢個湯品還是建議到菜館總比自己動手做來得簡便輕鬆!
凍烏頭潮州以海洋產物豐庶見稱，除左為人熟悉既方魚肉碎蠔仔粥之外，凍烏頭都係慣常吃到既大眾化菜式。烏頭魚上碟時魚身已呈半開狀，潮州食法喜歡配上黃豆醬一起吃，把小幅魚肉片輕點醬汁更能提升魚鮮度，而且豆醬本體亦唔太咸味，用後不會口乾。魚肌結實鮮味且白潤，呢度會去掉大骨駱位，都幾細心，用叉起肉真係啖啖肉。
鹵水鵝肉併鵝肝潮州鹵味非常有名氣，呢度除左常見既鵝肉或切鵝片之外，還可以自選併搭組合，今晚我們試著併鵝肝。厚厚的肝塊，毫不感硬實和濃鹹之嫌，卻是入口纖巧柔嫩且帶清香，有別於法式鵝肝般油滑香濃，顯而易見各具獨色。另鵝肉皮與肉層之間既脂肪含量比例恰好，咬下不會有滿口油光之嫌，沾上少許甜白醋汁令鹵水味道迥然且收減膩之效。
白飯係用啡色陶瓷小砵仔原個蒸，入口細嚼粒粒充滿飯香不乾不硬身!
見其他食客點的凍蟹實在吸睛,忍不住要影影相~
Post
