磯の水產

Open Now

Now Closed

今日去左觀塘工業區做野，沿近海濱長廊，有間落地大玻璃的日式餐廳。目測環境乾淨企理，就同同事行左入去，餐廳用了不少日系元素去裝飾，由其吧檯位置，有種日式居酒屋🏮的feel，望住師傅製作料理。 午市定食都幾多選擇，每款都跟前菜、麵豉湯、茶碗蒸和白飯。價錢$116起，以日料黎講都幾抵食，因為份量都幾多。朋友揀左燒鯖魚，燒得外脆內軟，因為即燒即食，建議大家襯熱食。而我就揀特上海鮮丼，成碗都系滿滿新鮮的刺身，令我垂涎欲滴！不得不提佢地既鮑魚有口感且易咬，另外馬糞海膽味道香濃綿滑。當然唔少得我最鍾意的牡丹蝦，夠晒肥美飽滿。 朋友見到隔離枱的蟹肉牛油果沙律 🦀🥑🥗、吉列豬扒非常吸引，就嗌黎try try！沙律中的牛油果切成薄片，配上新鮮蟹腳即拆的蟹肉，口感清爽，非常開胃。吉列豬扒外皮香脆，每啖都聽到卡滋卡滋的聲響⋯ ✨著數優惠：1️⃣凡follow餐廳的IG，並分享任何一個post到限時動態，於店內堂食作任何消費即送，（午市）日本梳打汽水，或（晚市）300mL清酒。2️⃣用OpenRice 網上訂座，可享晚市全單85折優惠。