嘹咋咧

Open Now

Now Closed

平日19:00左右入坐，坐位係有啲迫，但店員話有人訂左枱，只好按排walk in, elbow to elbow 咁坐。兩個人食，叫左三樣嘢食。🌶 油撥扯麵配乳香雞翼（小辣）$68見每枱人都點，當然要試下。址麵原來喺成條好粗嘅麵，老闆娘叫我哋撈下，再幫我哋剪開，方便share。個人覺得小辣係唔夠辣（但同行朋友覺得夠 - 佢係譚仔五小辣嘅脷）。麵粗大，有咬口，好食！隔離枱兩個女仔都係每人點一碗，係咁讚好食！雞翼係另上嘅，跟麵有三隻。朋友係雞翼控，大讚！雞翼炸得脆口之餘，入面仲有肉汁，南乳味突岀！🍳 地軟炒雞蛋$88地軟喺餐牌上係譯成Black baby fungus，原本以為係黑木耳炒蛋，但個味道似紫菜，實際係咪講唔岀。哩個味道偏啖，因為叫左兩樣辣嘢，所以想叫個温和小食中和一下。🐟 酸辣魚羮（小辣）$108上菜時，比想像中大盤！食落唔算辣，佢係豆瓣醬嗰款辣，所以唔食辣嘅都好易入口。入面嘅魚片，好滑無骨。唯獨係食左一碗之後，覺得太多紅椒，要用好多心機隔開椒同湯，最尾只係可以食晒啲魚，飲唔晒啲湯。