望逸咖啡研究所

Open Now

Now Closed

今晚同男朋友嚟咗駱駝漆食飯，揀咗呢一間望逸咖啡研究所😆小店嘅裝修簡潔，坐得非常舒服，亦都可以一路聽歌一路食飯，非常寫意～呢度嘅價錢都相當親民，我哋食得好盡情🤣首先叫咗個煙三文魚配牛油果沙律配檸檬油醋汁 ($88)🥗食得出佢嘅菜好新鮮，牛油果亦都唔少，配埋煙三文魚都仲係好fresh，不過個人口味嚟講多啲汁仲正🤭必食嘅係半邊春雞配烤豬肋骨 ($148)，我覺得兩隻肉都做得幾好，首先豬肋骨嘅調味剛剛好，亦都好少見咁大件嘅肋骨，啖啖肉超好食😋另外春雞亦都醃得非常入味，啲肉一啲都唔嚡，食肉獸應該會超鍾意😆亦都有幼薯條，炸得好香脆～意粉方面，叫咗個卡邦尼扁意粉 ($88)，食第一啖我已經話好好食，芝士同蛋撈出嚟嘅醬汁，完全癡喺意粉上面，啖啖都超濃味～而佢嘅煙肉亦都好有口感，唔係好薄嗰款，係高質嘅卡邦尼🤤另外我哋叫咗個忌廉黑松露薯蓉 ($48)，睇個樣都知佢真係超重黑松露味，而且薯蓉好滑，成個配搭真係好夾🤗春雞同豬肋骨本身可以有杯$35以下嘅飲品～我哋就加咗少少錢叫杯凍朱古力😋好香濃，仲非常有儀式感咁俾我哋攞支棍攪勻杯朱古力添🤣最後梗係要叫返個甜品先滿足啦，今日嘅是日甜品係朱古力香蕉蛋糕 ($68)