Video
Read full review
2023-01-28
56 views
🍽川粤時空時尚小廚 (觀塘)📍觀塘駿業街66號巧運工業大廈一樓C室1.涼拌海帶（前菜）🌿川菜又點可以少得涼拌海帶呢！佢嘅口感爽口，甜醋同鹹味調得啱啱好，真係好醒胃呀！2.黃金豆腐（$68）◻️豆腐被炸到金黃色，外脆內軟，外面充滿着椒鹽嘅味道，再沾上少少喼汁，真係天衣無縫。3. 老壇酸菜魚（細）（$168）🐟食川菜叫酸菜魚是常識吧！佢哋嘅酸菜魚內容真係好豐富，有魚片，芽菜，豆卜，蓮藕 ，黑木耳，萵筍，仲有寬粉！ 真係好大份，湯酸味美，微辣不膩，兩個人根本就食唔晒，$168真係好抵食，係一道嚟到必叫嘅菜式。4.麻辣口水雞（$98）🐥口水雞顧名思義就係諗起都流口水！佢哋嘅口水雞麻辣鮮香，雞肉嫩滑，雞皮爽彈，咬落去有少少紅油同麻辣既香味，真係食到停唔到口。佢哋喺底部加左爽口嘅青瓜絲，吸收晒口水雞嘅精華，惹味十足，十分推薦。5. 手撕包菜（$78）🌿脆嫩爽口既手撕包菜，味道好鮮甜，帶有少少微辣，令人食慾大增。環境：💛💛💛💛🤍4/5衛生：💛💛💛💛🤍4/5食物：💛💛💛💛💛5/5價錢：💛💛💛💛💛5/5 ( $521/2=💰260.5)P.S. 佢哋嘅環境充滿着中國特色，餐廳內外都掛滿着紅燈籠，地方整潔企
📍觀塘駿業街66號巧運工業大廈一樓C室
1.涼拌海帶（前菜）🌿
川菜又點可以少得涼拌海帶呢！佢嘅口感爽口，甜醋同鹹味調得啱啱好，真係好醒胃呀！
2.黃金豆腐（$68）◻️
豆腐被炸到金黃色，外脆內軟，外面充滿着椒鹽嘅味道，再沾上少少喼汁，真係天衣無縫。
3. 老壇酸菜魚（細）（$168）🐟
食川菜叫酸菜魚是常識吧！佢哋嘅酸菜魚內容真係好豐富，有魚片，芽菜，豆卜，蓮藕 ，黑木耳，萵筍，仲有寬粉！ 真係好大份，湯酸味美，微辣不膩，兩個人根本就食唔晒，$168真係好抵食，係一道嚟到必叫嘅菜式。
4.麻辣口水雞（$98）🐥
口水雞顧名思義就係諗起都流口水！佢哋嘅口水雞麻辣鮮香，雞肉嫩滑，雞皮爽彈，咬落去有少少紅油同麻辣既香味，真係食到停唔到口。佢哋喺底部加左爽口嘅青瓜絲，吸收晒口水雞嘅精華，惹味十足，十分推薦。
5. 手撕包菜（$78）🌿
脆嫩爽口既手撕包菜，味道好鮮甜，帶有少少微辣，令人食慾大增。
環境：💛💛💛💛🤍4/5
衛生：💛💛💛💛🤍4/5
食物：💛💛💛💛💛5/5
價錢：💛💛💛💛💛5/5 ( $521/2=💰260.5)
P.S. 佢哋嘅環境充滿着中國特色，餐廳內外都掛滿着紅燈籠，地方整潔企理，而且都幾大，設有私人房間（有私人大電視）。佢哋嘅地段都好方便，食物都好出色，鍾意食川菜嘅朋友，真係要試吓。
Post
