Video
Read full review
2023-05-27
847 views
📌 Le Monde - 觀塘巧明街94-96號鴻圖中心9樓A室🗓(27/5) 星期六 ⏰ 下午2點左右 💈特式：今日有朋友特登約我去觀塘食好西，話帶我去食間好隱世但做得相當出色嘅法國菜，咁我當然即刻仆到出門去搵佢啦，搞到我興奮到唔記得帶我個龍龍buddy出街🥺。🥩🍔🌭🌮🥗🥯🥘🍲🍝🍣🥟🍤🍱食物：今日周未，所以餐廳會有個周未午市特選，我同朋友就揀左🐮🐷各一個主菜share嚟食，另外加$40就可以轉為套餐，會配埋餐湯/餐包/沙律及餐茶一杯，而家等我同大家講下🇫🇷味道先。餐湯 - 今日餐湯係雜菜湯，我就加左$18升級左龍蝦湯。個龍蝦湯係我飲過最濃味嘅龍蝦湯之一，如果同我一樣喜歡飲勁濃郁龍蝦湯嘅朋友必定要試。個雜菜湯我朋友都好鐘意，但兩者之間佢都係覺得龍蝦湯更為吸引。法式紅酒燉牛臉頰 $168 - 呢個菜真係食得出廚師嘅功夫，個牛臉頰燉淋到用叉已經可以將d肉一絲絲咁分開，但又唔會起渣或痴牙，醬汁味道夠濃又入味，主菜底下配嘅薯蓉同菇亦都起到互相輝映嘅作用。西班牙Iberico豬扒配忌廉菠菜苗 $178 - 呢個豬扒都好出色，我記得平時呢個價錢去Outback食塊豬扒又靭又乾，呢度價錢
🗓(27/5) 星期六 ⏰ 下午2點左右
💈特式：今日有朋友特登約我去觀塘食好西，話帶我去食間好隱世但做得相當出色嘅法國菜，咁我當然即刻仆到出門去搵佢啦，搞到我興奮到唔記得帶我個龍龍buddy出街🥺。
🥩🍔🌭🌮🥗🥯🥘🍲🍝🍣🥟🍤🍱
食物：今日周未，所以餐廳會有個周未午市特選，我同朋友就揀左🐮🐷各一個主菜share嚟食，另外加$40就可以轉為套餐，會配埋餐湯/餐包/沙律及餐茶一杯，而家等我同大家講下🇫🇷味道先。
餐湯 - 今日餐湯係雜菜湯，我就加左$18升級左龍蝦湯。
個龍蝦湯係我飲過最濃味嘅龍蝦湯之一，如果同我一樣喜歡飲勁濃郁龍蝦湯嘅朋友必定要試。個雜菜湯我朋友都好鐘意，但兩者之間佢都係覺得龍蝦湯更為吸引。
法式紅酒燉牛臉頰 $168 - 呢個菜真係食得出廚師嘅功夫，個牛臉頰燉淋到用叉已經可以將d肉一絲絲咁分開，但又唔會起渣或痴牙，醬汁味道夠濃又入味，主菜底下配嘅薯蓉同菇亦都起到互相輝映嘅作用。
西班牙Iberico豬扒配忌廉菠菜苗 $178 - 呢個豬扒都好出色，我記得平時呢個價錢去Outback食塊豬扒又靭又乾，呢度價錢差唔多，但塊豬扒做得又淋滑又Juicy，直頭高幾班，個忌廉菠菜苗味道濃郁，亦都好出色。
日本柚子芝士蛋榚 $45 - 我地再叫左呢個甜品，柚子味好出，蛋榚軟滑，不過芝士味略嫌不足。
☕️🍵🥤🧋🍺🍷🥃🍹🧉🍾🍶🥛
飲品 : 餐飲就包左普通咖啡或茶，我同朋友都叫左咖啡，都有酒店西餐廳級數，餐廳仲會配左幾片伯爵茶曲奇餅比我地送咖啡，都幾貼心。
因為朋友都推介呢度嘅cocktail同mocktail做得唔錯，所以我地都叫左個Flamingo同Virgin Mojito嚟試，質素就同平時去d酒吧餐廳差唔多。
🍽環境：餐廳面積好大，坐位擺放鬆動，所以坐得好舒服，亦有一定私隱度，佈置方面好高雅堂皇，感覺好高級，好似去左酒店食飯咁嘅感覺，朋友話如果夜晚嚟，氣氛仲更加好。
🤵🏻🤵🏻♀️🤵🏻♂️服務：店員服務非常好，語氣/態度都比人覺得舒服，亦感覺到好專業，直頭有高級酒店咁嘅服務級數。
💰💸價錢：叫左兩個主菜套餐同兩杯mocktail，埋單都只係$500多少少，我覺得性價比真係好高，環境/食物質素/價錢，各方面都好過好多西餐廳。
🐲💬總結：整體嚟講，我對今次呢餐法國菜非常滿意，包括食物質素/環境/氣氛等等，期待試埋佢地嘅平日lunch set，因為見到有個牛舌同21日熟成西冷牛扒都只係百零蚊，好吸引。
推薦指數：❤️❤️❤️❤️❤️
龍蝦湯/雜菜湯
38 views
0 likes
0 comments
法式紅酒燉牛臉頰
$168
29 views
0 likes
0 comments
西班牙Iberico豬扒配忌廉菠菜苗
$178
21 views
0 likes
0 comments
日本柚子芝士蛋榚
$45
20 views
0 likes
0 comments
Flamingo/Virgin Mojito
22 views
0 likes
0 comments
餐茶
17 views
0 likes
0 comments
Post
