Happy Lemon (Closed)

今日專誠去試下Happy lemon 既 檸檬蜂蜜！因為太多人都係去飲佢D 奶茶或其他鋪飲唔到既野，我就諗~ 佢叫做happy lemon, 飲完lemon 會唔會真係happy D 呢?話哂用檸檬做店名，應該要試下佢D 檸檬有咩特別！ 檸檬蜂蜜個樣睇落去同我想像中唔同, 冇咩黃色，唔似茶餐廳既檸蜜。杯裡面有四塊小檸檬(一開四)。 飲完見到D冰係crystal clear~!飲落去，嘩~~ 有一種新鮮檸檬汁的味道，再加上蜂蜜的甜味中和，不會太酸，比例剛剛好，唔多唔少，正！大家唔好以為會有好重蜂蜜味，其實主角係檸檬，蜂蜜飾演好好既配角，所以大家不要期望會有濃濃的蜜糖味。整體味道不錯，夠特別，其他地方都未必飲到咁清新的檸檬味~~！呀妹之前飲過檸檬彈珠都話唔錯~果然，叫Happy lemon 有道理！P.S. 想讚一讚那一個調製飲品小姐，佢調製飲品應該是professional。上次佢幫我整肧芽抺綠冰沙，望一望就知綠茶粉唔夠，即加料，再整，真係好好味~！好香肧芽味，好濃綠茶味，只係沙冰打得唔夠幼滑~ 是時間，還是機器的問題？