金所 (Closed)

下午營業時間到3pm，星期六預早時間1:45pm去到，後面三位就開始截龍，好彩排左45分鐘就可以入座，比想像中快。睇過報道，覺得白布烏冬好特別，全港得一間有，好奇心下好想試下。鴨肉入沾白布烏冬$86烏冬白滑，口感煙韌，呈長方形，有八塊，湯底帶甜有鴨脂香味，三片鴨胸，算厚身，口感嫩滑，烏冬夾上黎太滑，好難夾入口，要慢慢好有儀態咁食，否則彈到成身都係湯，過完冷河後，麵底凍，所以令湯底溫度好快下降，食到後半段湯變凍。雞肉入熱湯白布烏冬$75湯底應該用昆布鰹魚煲出黎，但味道太甜似壽喜燒，配料茄子、蔥吸滿湯汁，雞肉份量太少，得幾粒，但沒有驚喜。