糙米家 (Closed)

香葱煎蛋豬扒糙米飯有飯有菜有肉，營養均衡幾健康。糙米食落比白米硬身少少，真係得少少，完全ok喎。菜份量好夠，不過係白烚味。豬扒比較薄身，唔夠口感，整體味道算一般，勝在夠均衡。藜麥牛蒡煎肉餅味道好濃郁，本身就又鞋又乾身，但點左佢比你個汁(圖下邊果碟)，即刻唔同哂，清爽多汁又保持一定口感，千祈唔好唔點汁，好味。牛蒡茶女友話牛蒡好健康，嗌左杯黎飲。味道唔錯，淡淡牛蒡香，可以試下。餐湯(南瓜)唔係好濃稠果種，似返飲湯，南瓜味唔算好出，整體柔和。