新麻蒲 BBQ (形點) (Closed)

元朗yoho開左新麻浦咁耐，我都未去幫襯過，今日一早難得經開又見佢暫時冇乜人排，就入去食小小野試下。地方都好濶落好大哦！不過坐卡位對高大嘅人嚟講只有少少頂腳。開爐又係送無限refill嘅邊爐蛋同醒胃前菜，佢個泡菜同蔬菜沙律好好食。日日都三十幾度高溫，野飲就整返杯勁冰涼沙冰先，shark attack and strawberry flyhigh冇酒精$88，不過條鯊魚仲係海中游緊未上岸。另外叫左個燉牛排骨，$148，好大碗下，唔辣，甜甜地，啲肉燉得好腍，啲湯都好飲。甜品方面，呢個紅豆豆粉雪花冰真係要力推，因為佢啲雪花冰比好多店更輕更軟更幼細。整個甜品連紅豆蓉都不太甜。入面仲有啲麻薯糕煙韌好好口感。