Video
Read full review
2024-12-17
254 views
岩岩搬去太和就梗係搵吓附近有乜食，一search個OpenRice就見到呢間咁多劣評，咪諗住去試吓伏囉。一入到去就feel到係舊式餐廳風格，唔係講個裝潢，而係啲夥計同食客🤣坐低睇餐牌，的確唔貴，叫咗個炒金邊粉有湯有嘢飲，60幾蚊算係咁。講真，侍應都係叔叔嬸嬸，態度未去到話好差會鬧人，但的確俾人感覺唔太友善。不過其實佢哋只係冇乜笑容同唔會懶親切，我叫特飲要加錢會提我，唔記得叫湯又會提我，我講唔該又會話唔使客氣。我未感受到其他人所講嘅服務態度惡劣。講返嘢食：羅宋湯係普通茶餐廳質素，又酸又鹹又辣，但我就係鍾意呢d😁金邊粉唔係我鍾意嘅甜口，有辣味，同埋唔係大量茄汁炒金邊粉⋯⋯其實幾有鑊氣🤣我覺得唔叫得上好食，但絕對未去到難食。珍多冰係正常一般椰奶，我覺得OK👍🏻總括：肚餓醫肚絕對冇問題，有下次，但唔會特別推介嚟太和行街嘅朋友（其實都唔會有人無端端入嚟行街🙈），因為的確唔係乜嘢特別嘢。
坐低睇餐牌，的確唔貴，叫咗個炒金邊粉有湯有嘢飲，60幾蚊算係咁。
講真，侍應都係叔叔嬸嬸，態度未去到話好差會鬧人，但的確俾人感覺唔太友善。不過其實佢哋只係冇乜笑容同唔會懶親切，我叫特飲要加錢會提我，唔記得叫湯又會提我，我講唔該又會話唔使客氣。我未感受到其他人所講嘅服務態度惡劣。
講返嘢食：
羅宋湯係普通茶餐廳質素，又酸又鹹又辣，但我就係鍾意呢d😁
金邊粉唔係我鍾意嘅甜口，有辣味，同埋唔係大量茄汁炒金邊粉⋯⋯其實幾有鑊氣🤣我覺得唔叫得上好食，但絕對未去到難食。
珍多冰係正常一般椰奶，我覺得OK👍🏻
總括：
肚餓醫肚絕對冇問題，有下次，但唔會特別推介嚟太和行街嘅朋友（其實都唔會有人無端端入嚟行街🙈），因為的確唔係乜嘢特別嘢。
Post
