時光雞 (Closed)

係屯門閒逛，見到有間新嘅韓式小食店新開張，咁就不如試吓啦。睇menu，有少少花多眼亂，可能新開，店員都好落力推薦食物，最終揀咗炸雞同芝士年糕。由於係小食店，係冇堂食嘅，等候時間都唔算耐。先黎試個火山炸雞先，我都過咗15分鐘先開黎食，都仲保持熱㷫㷫，外皮仍然香脆，肉質嫩滑，點埋個韓式辣汁一齊食，絕對滿足到想食韓國小食嘅心。個辣汁都真係幾辣，中意食辣的話，應該滿足到你嘅慾望跟住試埋個流心芝士年糕，哩個就有啲失望，諗住一咬落去會有豐富嘅芝士味擁出嚟，點知只係平平無奇嘅年糕味，同埋冇流心效果，所以係麻麻地，最終我係倒落個辣汁度一齊食，令佢有多啲味其實幫襯下小店都唔錯，雖然未係至好食，但都不錯，不過價錢都唔算好平，見佢門面咁黃，連口罩都係黃（唔知有冇會錯意），支持下本地小店啦