Video
Read full review
2019-07-02
44 views
今晚又喺旺角上堂，覓食覓返嚟雅蘭，呢到間間餐廳都排晒長龍，行入啲見到間食點心，原來係sell精緻點心😍呢啲就最啱我胃口，因為普通茶樓嘅點心已經食到膩膩哋😂呢到嘅招牌係麻婆豆腐日本帶子餃，佢個皮係綠色，十分煙韌，仲有塊紅蘿蔔墊底方便夾，食落真係有淡淡麻婆豆腐味，加埋啲蝦肉同帶子，真係色香味俱全！呢個係金箔墨汁蟹粉鮮蝦餃，黑汁皮已經夠特別！仲有啲金箔喺面，重點係佢啲蟹粉一啲都唔小家，真係餡料十足，一流！下一個點心係金瑤柱脆皮蘿蔔絲腸粉，呢個真係夠晒gimmick🤣上桌已經好吸睛，鋪面啲瑤柱真係又多又香，一咬落去即係食到啲白蘿蔔味，好fresh好juicy!竹笙上素野菌春卷好抵食，有六小件，每件都足料👍🏻配落個沙律醬真係有提鮮作用！黑白芝麻流心煎堆仔我當甜品食，甜度適中 流心效果，熱辣辣咁上桌，但係又一定唔會燙口，每一碟點心都做到哩樣嘢真係殊不簡單！💥💥💥順帶一提，呢到啲staff 仲要好有禮貌！呢間我一定會帶埋屋企人再嚟幫襯👍🏻
呢到嘅招牌係麻婆豆腐日本帶子餃，佢個皮係綠色，十分煙韌，仲有塊紅蘿蔔墊底方便夾，食落真係有淡淡麻婆豆腐味，加埋啲蝦肉同帶子，真係色香味俱全！
呢個係金箔墨汁蟹粉鮮蝦餃，黑汁皮已經夠特別！仲有啲金箔喺面，重點係佢啲蟹粉一啲都唔小家，真係餡料十足，一流！
下一個點心係金瑤柱脆皮蘿蔔絲腸粉，呢個真係夠晒gimmick🤣上桌已經好吸睛，鋪面啲瑤柱真係又多又香，一咬落去即係食到啲白蘿蔔味，好fresh好juicy!
竹笙上素野菌春卷好抵食，有六小件，每件都足料👍🏻配落個沙律醬真係有提鮮作用！
黑白芝麻流心煎堆仔我當甜品食，甜度適中 流心效果，熱辣辣咁上桌，但係又一定唔會燙口，每一碟點心都做到哩樣嘢真係殊不簡單！
💥💥💥順帶一提，呢到啲staff 仲要好有禮貌！呢間我一定會帶埋屋企人再嚟幫襯👍🏻
Post
