Futago HK大阪燒肉 (Closed)

自雑誌介紹這間新店後一直等同朋友仔來試試，今日佢放半日假，我一早訂咗枱，準時到即刻有得入。環境：其實不是太大，但人手充足，氣氛唔錯。食物：一早決定食lunch set,定咗有五款，但佢話其中一款日和牛已冇，另有兩set today special嘅牛舌餐同澳洲和牛餐、約90一份，叫咗和牛同什錦焼肉。        要讚下d澳州和牛都唔錯，輕輕焼個面已ok,醃嘅汁甜甜的好喜歡，用脆嘅紫菜包住真係叫我食廿件都得，可惜只有六粒和牛同幾塊紫菜。其他配菜如跟餐嘅湯（係蛋花湯但好清甜，飲清）、蘿蔔粒（清新爽口食晒），前菜（芽菜菠菜就一般冇特別驚喜）同沙律（細碟但亦好新鮮食晒）都好好食呢。服務:依part出咗事，1）除咗一坐低介紹張櫈可放袋同是日午餐外（笑容同禮貌都一直冇問題），但我地其實第一次嚟，見燒緊嘅著住圍裙同另一枱剛坐低又著緊圍裙而我地set野都嚟晒，咁多侍應都冇留意我地喺度等，結果都係開聲問係咪有圍裙架        2）一開始係見到Menu介紹話食十次有過金色箝刻名，但最後當然忘記，剩係埋單，佢有冇比番張單我，又冇提又冇咭冇貼紙冇印咁，到依家都唔知用咩方法儲。唔細心囉。