美味餃子店 (Closed)

又是餃子🥟時間～ 😌 呢間餃子雖然只有三種選擇，分別係雲耳椰菜肉餃、煎白菜肉餃同韭菜肉餃，但貴精不貴多，質素依然不錯，湯底更勝其他餃子店🤤 🥟 雲耳椰菜肉餃 $39/7隻 $44/10隻湯餃size偏大，皮薄而且餡料豐富，雲耳同椰菜爽口，再配搭豬肉有鮮味😙 重點係個湯- 野葛菜生魚豬骨湯，真心好飲🤤，好飲完全唔覺有魚味，似老火湯😙🥟 炸白菜肉餃 $31/5隻 + 飲品叫咗個下午茶獨有炸餃，餃子皮炸得脆口，不過炸餃有d蓋咗白菜豬肉嘅味道，湯餃比炸餃出色。🥛 豆漿/羅漢果甘草茶 $8豆漿偏甜，甜味蓋咗豆味，反而羅漢果甘草茶有驚喜，飲得出係羅漢果天然嘅甜味～ 下次要試埋較多人推薦嘅煎餃🤤