陸陸雞煲火鍋 (Closed)

好開心呀 今日放工約左好朋友去 食！雞！煲！今日揀左係旺角嘅陸陸雞煲呀。係門口等左一陣就有位，一入到去，覺得環境好闊落。坐得舒服，先有更大嘅胃口架嘛🤣好啦，由於今日返工太忙，我已經好肚餓啦，但望住個餐廳，又唔知揀邊個好最後選擇 陸陸雞煲火鍋海鮮套餐 $298 一位陸陸雞煲呢個套餐，第一道上嘅菜就係雞煲，職員好細心,會幫你處理好成個雞煲，先叫你開始享用。一打開個煲，超級勁香，事不宜遲即刻要食啊。雞肉醃得好入味，炒得好香，我地叫左小辣，岩岩好。配菜青椒同洋蔥都好夠甜。冷盤小食-冰鎮花螺就咁已經好鮮甜呀，點埋豉油食仲好味。鋪頭仲好細心，將每隻花螺個底個塊殼都幫我地清走埋。龍蝦湯湯底火鍋未打開個蓋已經見到好大隻龍蝦啦🤤🤤到職員過黎幫我地開蓋，已經急不及待要試返碗湯先，咁大煲龍蝦湯做湯底，都絕對唔會淡，夠晒龍蝦味。之後就緊係到拆龍蝦啦，由朋友一手負責，由個鉗到個身再到個龍蝦頭，啖啖肉呀，肉質鮮甜，龍蝦肉夠晒結實，好在店家有提供拆龍蝦嘅工具，完全無浪費呀。👍🏼👍🏼海鮮火鍋拼盤店家需要視乎每日邊種海鮮夠新鮮，先會揀去做食材，所以呢個海鮮拼盤會保證最少有7款海鮮，而我地當日嘅海鮮有(蟶子、鮑魚、帶子