Video
Read full review
2024-06-24
27 views
介紹返💁🏻♀️。。🇯🇵 日式料理 在尖沙咀 🇯🇵。鮨一 G One Japanese Restaurant。藍馬商業大廈18-20樓。日本赤崎真蠔 Japan Awaji-Shi Oyster。HKD98 + 10%軟殼蟹蜜柑沙律 Soft Shell Crab Mandarin Salad。HKD88 + 10%吞拿魚牛油果手卷 Tuna & Avocado Hand Roll。HKD58 + 10%鵝肝手卷 Foie Gras Hand Roll。HKD78 + 10%大蝦天婦羅反卷 Prawn Tempura Sushi Rolls。HKD128 + 10% @ 6 pcs清酒煮蜆 Boiled Clam with Sake。HKD72 + 10%甲羅燒 Japanese Miso Crab Meat。HKD98 + 10%🤫 早幾日碌到有Foodie朋友仔出Post介紹鮨一..手卷好似好靚仔..生蠔又好似好肥美咁..尋晚急不及待約咗阿V去鮨一🤫 我哋被安排坐吧枱..咁其實哩度餐廳舖頭仔細細..裝修以日系居酒屋為藍本..座位比較親密..所以坐吧枱位都有吧枱位嘅好處嘅☺️🤫 嘢食方面
。
。
🇯🇵 日式料理 在尖沙咀 🇯🇵
。鮨一 G One Japanese Restaurant
。藍馬商業大廈18-20樓
。
日本赤崎真蠔 Japan Awaji-Shi Oyster
。HKD98 + 10%
軟殼蟹蜜柑沙律 Soft Shell Crab Mandarin Salad
。HKD88 + 10%
吞拿魚牛油果手卷 Tuna & Avocado Hand Roll
。HKD58 + 10%
鵝肝手卷 Foie Gras Hand Roll
。HKD78 + 10%
大蝦天婦羅反卷 Prawn Tempura Sushi Rolls
。HKD128 + 10% @ 6 pcs
清酒煮蜆 Boiled Clam with Sake
。HKD72 + 10%
甲羅燒 Japanese Miso Crab Meat
。HKD98 + 10%
🤫 早幾日碌到有Foodie朋友仔出Post介紹鮨一..手卷好似好靚仔..生蠔又好似好肥美咁..尋晚急不及待約咗阿V去鮨一
🤫 我哋被安排坐吧枱..咁其實哩度餐廳舖頭仔細細..裝修以日系居酒屋為藍本..座位比較親密..所以坐吧枱位都有吧枱位嘅好處嘅☺️
🤫 嘢食方面..我第一時間落Order一人一隻是日精選真蠔..果然佢真蠔仲可以靚過上鏡..是日精選真蠔來自赤崎..兩隻都相當大隻..勁Creamy之餘帶少少爽口..亦都略帶海水味..而最估唔到嘅係配埋佢哋自家製嘅柚子啫喱醋係咁正㗎👍🏻啫喱醋酸甜酸甜帶柚子香..淨係食呢個啫喱都好好味😂
🤫 再嚟就揀咗是日精選嘅軟殼蟹蜜柑沙律..蜜柑Size適中超靚超甜配埋Mixed Greens味道啱啱好..面頭隻軟殼蟹細細隻咁樣..炸得夠晒乾唔會覺得好油膩
🤫 再之後我要咗個鵝肝手卷..鵝肝估唔到係不得了咁多..細細一個手卷竟然有兩塊鵝肝😍而且啲鵝肝油浸晒落去啲壽司飯嗰度..真係肥美到不得了..一啖咬落去嗰個爆汁嘅感覺不能言喻😚
🤫 阿V唔食內臟乜滯..所以就要咗個牛油果吞拿魚手卷..佢嗰個都相當唔錯..吞拿魚赤身肉眼睇都見到有成四五條..佢話呢個份量相當滿足😎
🤫 前頭食咗幾種小食之後..係時候食返啲相對飽肚啲嘅嘢..咁我哋就揀咗個大蝦天婦羅反卷..原本以為係出邊街常見嘅天婦羅大蝦俾啲飯包住咗嘅反卷咁簡單..點知出乎意料地佢哋嘅飯外邊都係滿佈天婦羅脆脆㗎😮呢個都幾別出心裁..即係成舊卷物都係脆卜卜㗎～
🤫 我哋仲叫咗個甲羅燒同埋清酒煮蜆..甲羅燒上枱嘅時候我係有少少質疑點解個蛋黃同啲蟹膏一比一咁滯嘅呢..因為平時通常都係鵪鶉蛋蛋黃㗎咋嘛..不過撈勻咗之後發現佢哋呢度啲蟹肉蟹膏相當之濃郁..以致撈一隻咁大隻嘅蛋黃嘅時候..味道嚟得非常之適中之餘蛋黃仲令到蟹膏更加鮮味..又係一個意料之外嘅好味😌
🤫 至於清酒煮蜆就冇乜點..都係正常中高水準.. 蜆Size都唔係話特別大隻嘅..份量都OK..反而係阿V幾欣賞兜蜆入邊有幾嚿白蘿蔔..佢話啲白蘿蔔吸晒清酒同蜆嘅精華..咬落軟綿綿冇渣仲非常之清甜咁話喎
🤫 係啦～尋晚嘅飲食體驗大致上係咁啦
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
💮已翻兜次數：2次💮
。。
Post
