Video
Read full review
2024-11-08
1343 views
介紹返💁🏻♀️。。🇯🇵 日式鐵板燒 在尖沙咀 🇯🇵。螢火 Hotaru。希爾頓大廈LG樓1號舖。午市套餐 Lunch Set 月。一人前 Moon 沙律 Salad鵝肝多士 Fole Gras Toast汁煮白鱈魚 Boiled Cod廣島蠔 Hiroshima Oyster日本黑豚肉 Grilled Kurobuta Pork櫻花蝦炒飯 Fried Rice w/ Sakura Shrimp漬物 Tsukemono吸物 Soup甜品 Dessert OR 咖啡 Coffee。HKD380 + 10% per Head🤫 螢火位於尖東希爾頓大廈..地方好大好寬敞..燈光偏柔和再配上打喺牆邊嘅櫻花樹投射效果..成件事相當浪漫..慶祝生日嗰啲仲可以俾你寫啲字落Laptop放上電子天燈影吓相許個願咁🏮然後除咗大廳呢度有廿幾個鐵板燒吧枱位之外..隔離仲有餓嗎家姐..行入啲仲仲有三兩間私人鐵板燒房..三五知己包間房食鐵板燒都咪話唔正🤓🤫 揀完餐一開波都係國際慣例..先嚟個簡單嘅麻醬沙律..粟米生菜車厘茄都好新鮮..唯一就略嫌麻醬重手咗啲😅🤫 食完沙律飲啖茶..第一個項目櫻花蝦廣島蠔🦪直接上場..
。
。
🇯🇵 日式鐵板燒 在尖沙咀 🇯🇵
。螢火 Hotaru
。希爾頓大廈LG樓1號舖
。
午市套餐 Lunch Set
月。一人前 Moon
沙律 Salad
鵝肝多士 Fole Gras Toast
汁煮白鱈魚 Boiled Cod
廣島蠔 Hiroshima Oyster
日本黑豚肉 Grilled Kurobuta Pork
櫻花蝦炒飯 Fried Rice w/ Sakura Shrimp
漬物 Tsukemono
吸物 Soup
甜品 Dessert OR 咖啡 Coffee
。HKD380 + 10% per Head
🤫 螢火位於尖東希爾頓大廈..地方好大好寬敞..燈光偏柔和再配上打喺牆邊嘅櫻花樹投射效果..成件事相當浪漫..慶祝生日嗰啲仲可以俾你寫啲字落Laptop放上電子天燈影吓相許個願咁🏮然後除咗大廳呢度有廿幾個鐵板燒吧枱位之外..隔離仲有餓嗎家姐..行入啲仲仲有三兩間私人鐵板燒房..三五知己包間房食鐵板燒都咪話唔正🤓
🤫 揀完餐一開波都係國際慣例..先嚟個簡單嘅麻醬沙律..粟米生菜車厘茄都好新鮮..唯一就略嫌麻醬重手咗啲😅
🤫 食完沙律飲啖茶..第一個項目櫻花蝦廣島蠔🦪直接上場..其實鐵板燒食蠔都食得多..但係配櫻花蝦嘅配搭都係第一次😲生蠔外脆內軟仲要爆汁Juicy..連埋勁香脆嘅櫻花蝦ss一齊放入口..成個口感比起平時普通嘅煎生蠔更加有層次🤤
🤫 我食到嘅第二道菜..汁煮白鱈魚..師傅炒香咗大量嘅洋蔥..再用呢啲新鮮炒香嘅洋蔥烹煮咗一人一份嘅法式洋蔥湯配搭喺已經煎香咗嘅白鱈魚之下..成件事就係咁不平凡😋
🤫 享用完我個鱈魚洋蔥湯之後..就嚟到鵝肝多士啦..鵝肝相當之厚切..由手法非常之純熟嘅林師傅將佢煎香..外邊脆卜卜入邊流晒鵝油咁樣..而最特別嘅係..師傅喺鵝肝多士旁邊準備咗一塊焦糖青檸..喺食完咁油膩肥美嘅鵝肝多士後..輕輕咬一啖焦糖青檸..嗰種甜酸甜酸嘅味道絕對可以解油Refresh我嘅口腔..呢個細心位真係要俾個讚佢👍🏻
🤫 再嚟就係鐵板燒必定有嘅肉肉重頭戲..有別於普通嘅鐵板煎豚肉..林師傅首先輕輕將豚肉扒兩邊煎香.. 然後再用櫻花木用時間去煙燻..雖然製作需時..但係絕對值得我哋等待😬煙燻過嘅黑豚柳質地好似比起普通煎嘅豬柳更加鎖水Juicy..食落口仲有淡淡嘅櫻花木香味氣..口感層次提升咗唔少🤤
🤫 嚟到呢度我已經飽咗八九成😬通常呢啲櫻花蝦炒飯嘅嘢..我都會叫師傅意思意思𢳂兩羹俾我就得㗎啦😅點知原來林師傅係整荷包蛋櫻花蝦炒飯..喂呀～隻蛋煎得咁靚仔..將個黃撈落去又櫻花蝦又洋蔥粒粒又蔥花嘅炒飯上邊..我真係飽到爆炸都要食埋佢囉😵
🤫 BTW..佢哋而家好似搞緊個唔知乜鬼清酒祭..無論午餐晚餐嚟幫襯都好似有清酒任飲..詳情自己Book位嘅時候問吓啦～
。。
翻兜指數：🙆🏻♀️🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
Post
