漢陽苑韓國料理 (Closed)

之前已經同朋友去過呢間到食, 覺得都ok因為可能果晚係咁吹水, 無咩點食野; 我地果晚食9點場, 加上果晚我地岩岩好7位送一位, 所以就更加平, 每人都唔駛$90; 所以琴晚就同另外既朋友再上去食, 點知,唉!!!有d失望因為d熟食唔夠熱, 全部凍冰冰, sushi就話者, 連d炸物都凍就真係有點兒那個喇; 燒烤既食物不過不失喇; 飲品係其差- 豆漿無味既, 花茶陣味又怪怪地, 攪到我地請願飲茶; 甜品選擇少囉, d梨唔知切左幾耐, 全部都黃澄澄, 賣相就真係差啦.. 侍應一係掛住吹水, 一係就掛住睇阿旺, 總之就唔好; 最後本人覺得最差就係佢既通風系統, 食完之後係十萬個臭, 雖然不嬲食完韓燒都會有陣味, 但係就一定無呢間咁勁, 我點噴香水都無用, 係街行過都有d尷尬, 慌死d人唔知我岩岩食完韓燒黎...