Video
Read full review
2019-04-26
93 views
Happy Friday 就緊係要搵個好地方食返餐好，而我作為一個Cafe Lover❤️，見到有間新開既Cafe，OpenRice comment 都唔錯，就Book枱試試！大家都知道旺角既Cafe多不勝數，但質素如何大家都有目共睹！今次呢間Little Fresh 真係令我刮目相看！首先講下個環境，餐枱同凳都係以藍色為主，加埋藍天白雲既天花，同埋餐廳既大玻璃窗，真係幾靚，日頭果陣係度飲返杯咖啡應該幾正！Menu既選擇都幾多，由餐湯，沙律，小食，意粉，意大利飯，主菜，甜品，飲品一應俱全！飲品仲有cocktail, mojito選擇！餐湯我地叫左2款，小貝柱海鮮湯，周打蜆肉忌廉湯！Little Fresh既湯絕對真係材實料，唔係罐頭湯黎架！小貝柱忌廉湯蝦味好香好濃，仲有一隻蝦同埋青口，蝦仲好細心剝埋殻！周打蜆肉湯用既係新鮮蜆肉，一般飲既忌廉湯都係比較結身，呢度既唔會好結，但忌廉味都好香，仲有蘿蔔粒同其他香料，好味！湯會配埋蒜蓉包，脆卜卜，好食！嘩嘩嘩，著火呀！呢個究竟係咩黎呢？店員上菜果陣會點著上面既Rosemary...為左保持神秘感我決定唔打開佢，等大家自己去試試！🤩跟住就到主菜出場
大家都知道旺角既Cafe多不勝數，但質素如何大家都有目共睹！今次呢間Little Fresh 真係令我刮目相看！
首先講下個環境，餐枱同凳都係以藍色為主，加埋藍天白雲既天花，同埋餐廳既大玻璃窗，真係幾靚，日頭果陣係度飲返杯咖啡應該幾正！
Menu既選擇都幾多，由餐湯，沙律，小食，意粉，意大利飯，主菜，甜品，飲品一應俱全！飲品仲有cocktail, mojito選擇！
餐湯我地叫左2款，小貝柱海鮮湯，周打蜆肉忌廉湯！Little Fresh既湯絕對真係材實料，唔係罐頭湯黎架！
小貝柱忌廉湯蝦味好香好濃，仲有一隻蝦同埋青口，蝦仲好細心剝埋殻！
周打蜆肉湯用既係新鮮蜆肉，一般飲既忌廉湯都係比較結身，呢度既唔會好結，但忌廉味都好香，仲有蘿蔔粒同其他香料，好味！
湯會配埋蒜蓉包，脆卜卜，好食！
周打蜆肉忌廉湯/ 小貝柱海鮮湯
$68
10 views
0 likes
0 comments
嘩嘩嘩，著火呀！呢個究竟係咩黎呢？
店員上菜果陣會點著上面既Rosemary...為左保持神秘感我決定唔打開佢，等大家自己去試試！🤩
跟住就到主菜出場，今日唔食牛朳，改食羊架，羊架煮到7成熟，唔會太羶，個醬整得好好味！配左薯蓉同埋茄子🍆天婦羅，薯蓉唔係開粉架，仲食到粒粒薯仔！茄子天婦羅唔會好油，幾好食！
法式香草燒羊架配檸檬薄荷醬
$178
5 views
0 likes
0 comments
除左羊架，我地仲叫左個意大利飯，個飯軟硬度岩岩好，南瓜汁入面帶左d蟹味，認真唔錯！
南瓜汁燴牛油蟹肉芝麻菜意大利飯
$138
28 views
0 likes
0 comments
之後就到飲品啦！我地叫左2杯沙冰，一杯係羅勒士多啤梨，一杯係迷迭香芒果菠蘿，呢度既廚師好識得運用新鮮既香草加入埋食物裡面，個人好推介芒果菠蘿沙冰，味道好fresh，飲落去仲有陣陣rosemary 味，好特別！
羅勒士多啤梨沙冰
$58
8 views
0 likes
0 comments
迷迭香芒果菠蘿沙冰
$58
19 views
0 likes
0 comments
最後就係甜品啦，我地叫左Apple crumble ，呢度係用鐵板上，用焦糖炒香左蘋果之後再加入花生及牛油餅碎，比平時食開既apple crumble 較香！
自家製蘋果金寶
$88
17 views
0 likes
0 comments
如題，我誠實推介大家一定要試下呢間文青Cafe，係旺角區黎講價錢同其他Cafe差唔多，但真係超水準！
Post
