孵化生活

Open Now

Now Closed

放咗工同朋友行街，順便去荔枝角附近搵野食，俾我哋發現咗一間樓上Cafe原來啱啱開業冇耐，格調清新，空間感十足，坐得舒服。黑松露椰菜花蓉先來一個前菜，椰菜花打到杰身加上黑松露調味，上枱巳聞到黑松露的香氣，口感豐富而且特別，黑松露椰菜花好夾。泰式小食拼盤拼盤有雞豬串燒、蝦卷、葉包雞、沙律＇真係要讚一讚個串燒，火爐剛剛好，燒得好嫩滑。蝦卷的蝦原隻上，新鮮彈牙，原來用了新鮮食材，沙律賣相不錯，用料新鮮。我哋叫咗一份孵化推介，今期係炸魚薯條，新鮮炸起熱辣辣，魚柳做到真正的外脆內軟，薯條份量十足。朱古力心太軟配雪糕賣相一流，心太軟外皮脆，朱古力流心香濃，配合雲呢拿雪糕，冇得輸。不得不提當我們食薯條的時候店員俾咗一個好別緻的即棄餐巾給我們抹手。非常細心。