Video
Read full review
2023-12-04
1417 views
比我無意間發現到呢間日本野，性價比好高，我同小朋友嘅飯堂又可以加多一間喇！真係冇諗過喺黃大仙屋村商場裏面，竟然有間食物唔錯、打卡又一流嘅日本餐廳。我自己鍾意食刺身、壽司，而小朋友鍾意食烏冬，Menu見到超級多款式，價錢亦都親民，一於入去試下先！聽講呢間餐廳係剛剛重新裝修再營業，我地幫襯當日係平日下午，已坐滿大半，相信呢間餐廳都有唔少捧場客。店內環境簡潔乾淨，如一般列車號，大部份位置係個人吧枱位，亦都預留咗多張寬闊卡座。餐廳主題是忍者，路軌上方LED不停播放的忍者圖案公仔跳來跳去好可愛。呢度係用QR code自助落單，然後食物會由列車經路軌送到，送到嘅時候小車廂會慢慢打開，就好似列車埋站咁，等你拎食物出嚟，小朋友見到列車將食物送到覺得好好玩，小小列車迷就更加唔好錯過。食物: 中午有午餐定食嘅選擇，有好多款揀添！例如壽喜牛肉鍋、刺身定食，我哋點咗兩份午餐同埋散叫咗一份沙律，午餐定食仲可以追加指定小食、壽司、甜品。🥗牛油果三文魚沙律（胡麻汁）$38有沙律菜、青瓜、車厘茄、粟米、仲有滿滿牛油果和大粒三文魚，吃得出食材新鮮，即叫即做，沙律很清新開胃，而三文魚真係大大粒，一啲都唔吝嗇。壽司定食B
比我無意間發現到呢間日本野，性價比好高，我同小朋友嘅飯堂又可以加多一間喇！真係冇諗過喺黃大仙屋村商場裏面，竟然有間食物唔錯、打卡又一流嘅日本餐廳。我自己鍾意食刺身、壽司，而小朋友鍾意食烏冬，Menu見到超級多款式，價錢亦都親民，一於入去試下先！
聽講呢間餐廳係剛剛重新裝修再營業，我地幫襯當日係平日下午，已坐滿大半，相信呢間餐廳都有唔少捧場客。店內環境簡潔乾淨，如一般列車號，大部份位置係個人吧枱位，亦都預留咗多張寬闊卡座。
壽司定食B 附木魚湯烏冬
$98
35 views
0 likes
0 comments
餐廳主題是忍者，路軌上方LED不停播放的忍者圖案公仔跳來跳去好可愛。呢度係用QR code自助落單，然後食物會由列車經路軌送到，送到嘅時候小車廂會慢慢打開，就好似列車埋站咁，等你拎食物出嚟，小朋友見到列車將食物送到覺得好好玩，小小列車迷就更加唔好錯過。
食物:
中午有午餐定食嘅選擇，有好多款揀添！例如壽喜牛肉鍋、刺身定食，我哋點咗兩份午餐同埋散叫咗一份沙律，午餐定食仲可以追加指定小食、壽司、甜品。
🥗牛油果三文魚沙律（胡麻汁）$38
有沙律菜、青瓜、車厘茄、粟米、仲有滿滿牛油果和大粒三文魚，吃得出食材新鮮，即叫即做，沙律很清新開胃，而三文魚真係大大粒，一啲都唔吝嗇。
牛油果三文魚沙律（胡麻汁）
$38
65 views
0 likes
0 comments
壽司定食B 附木魚湯烏冬 $98
店內使用越光米，真材實料，性價比高！9件壽司真係好豐富呀，唔係放題質素咁細件，魚生都有一般厚度，有芝士吉列炸蝦卷4件、甜蝦、帆立貝、海鰻、三文魚玉子各一。炸蝦卷加上燒過芝士、沙律醬、脆脆飛魚子香口又開胃😋，食一件真係唔夠喉好彩有四件！玉子、甜蝦夠香甜，三文魚、帆立貝，清甜唔腥都幾厚肉、海鰻長長一條有肉汁唔乾。
再加埋煙靭嘅讚岐烏冬，唔係Hea煮㗎，有粟米&鳴門卷，食埋真係超級大滿足！
壽司定食B 附木魚湯烏冬
$98
34 views
0 likes
0 comments
三文魚子花之戀壽司 $35
三文魚新鮮厚切，加埋三文魚籽沙律醬，好肥美好味道😋
三文魚子花之戀壽司
$35
30 views
0 likes
0 comments
蒲燒鰻魚、香辣豬頸肉定食 $98
跟餐有日式蒸蛋、胡麻醬豆腐做前菜，真係好豐富呀😍，兩款我哋都好鍾意食！
而鰻魚吸晒醬汁，豬頸肉燒得香脆，加埋下面嘅蛋絲，送飯一流！呢個定食又係會食到好滿足！
蒲燒鰻魚、香辣豬頸肉定食
$98
150 views
0 likes
0 comments
草莓番石榴乳酸梳打 $12 （午市套餐轉特飲）
草莓酸酸甜甜，下面有少少果肉碎，加埋乳酸梳打水，唔會太甜，好不錯！
斑蘭椰乳紅豆 $12 （午市套餐轉特飲）
呢一款椰香味非常突出，淡淡滲出斑蘭香味，最特別原來係「爆漿紅豆」，咬開脆脆嘅外皮一口爆開紅豆沙，未試過嘅朋友一定要試下！
草莓番石榴乳酸梳打 & 斑蘭椰乳紅豆
$12
31 views
0 likes
0 comments
綠茶奶凍 $18 （午市套餐加錢$追加）
抹茶味非常香濃，再加埋滑嫩嫩嘅奶凍，仲有「爆漿紅豆」，口味非常夾，值得一試！
綠茶奶凍
$18
89 views
0 likes
0 comments
環境:
餐廳主題是忍者，裝修風格好有居酒屋嘅味道，枱嘅位置空間夠大，就算叫多款食物都有足夠位置安放，座椅特別寬闊，和隔離的人保持足夠空間，中間亦有間隔，有私人空間。
綠茶喺枱上面自助斟，餐具就放在枱下面的抽屜非常方便，枱夠高，不會頂到膝蓋。
亦有細心考量小孩高度不夠，會提供軟墊可以墊高坐，但不肯定有沒有嬰兒High Chair。
總結: ⭐️⭐️⭐️⭐️
環境舒適有個人風格，可以安心靜靜享受美食，
雖自助落單，但店員細心，服務不錯。食物賣相很不錯，又有列車打卡，而食物新鮮味道不錯，性價比都很高，價錢亦都唔貴。有個人位置及寬闊卡座，所以無論你係一人之境或者一家大細，呢度都照顧得到，值得返兜！
Post
