譚仔雲南米線 (馬鞍山廣場)

Open Now

Now Closed

最近為咗陪屋企人，午飯時間都提早好多，致電落單，店員會比取單編號，大約11:30到達譚仔，付款時講出取單編號，外賣自取到屋企約10分鐘路程。-湖南酸辣湯米線配竹笙米線附有芽菜、韭菜，湯底酸辣平均，冇鑊氣，竹笙分量多，吸湯後咬口不變，腍中帶爽，冇菇菌香，味道正常。-川辣木耳黑柏葉份量偏小，木耳多過黑柏葉，醬汁酸辣味濃，木耳爽，黑柏葉切幼身，香，爽口，兩個食材都掛汁，整體而言，味濃，略鹹。-十三香辣小食雜錦小食雜錦有燒賣、陳皮魚蛋、麵筋。醬汁鹹辣，唔酸，有味精，燒賣口感實，冇魚味，有胡椒香。陳皮魚蛋有陳皮香，唔彈牙，有魚香，偏油。麵筋冇食。整體醬汁同食物唔夾，偏鹹，樣樣得幾粒，性價比低。-總括而言，少米線可減一蚊，外賣自取有額外優惠，冇細心睇，性價比正常，欣賞譚仔會不停創新。