和花亭壽司 (Closed)

和花亭裝修完便去食下啦，同樣地都係要等一段時間先可以有位，入到去到完全唔同哂，冇左迴轉壽司位，感覺同和民格局差唔多，野食其實同以前冇咩分別，都係一樣咁小選擇，來和花亭o既原因，係貪佢有廚師推介，每隔一段時間就會響鐘 : 叮...叮...叮...，今日廚師推介係......推介5份，客人要就舉手要，咁呢間和花亭就不停咁有待應、壽司師傅大聲叫幾多號檯一份，一滿左5份，就會再響鐘 : 叮...叮...叮...!那時o既氣氛好熱鬧，每檯客人都會爭相認購呢d廚師推介，因的確好抵，加上通常廚師推介，餐牌上係冇得order o既，所以一到呢個時候，好多客人都會特別期待(包括我在內)，但現在已經冇左呢個響鐘o既廚師推介了，真係失色左好多，如果唔係為左呢樣特別o既野，我就唔會去和花亭，皆因款式真係好小，我寧願去板長la~~講返我食過d咩先，叫左d壽司、刺身同炸蠔，但竟然最快上檯o既係炸蠔，之後係刺身!刺身我叫左三款，油甘魚、帶子同三文魚腩，都好新鮮，特別係三文魚腩!整體o黎講，味道都ok o既，不過壽司確實整得耐左d!