Video
Read full review
2020-07-20
809 views
同朋友去銅鑼灣新開張嘅激安前，就梗係要先醫飽個肚啦。我哋去咗試船街嘅新餐廳「Flagship」，網上見人推介幾正咁，去到先知而家只係試業中，招牌都未正式掛上😳。不過餐廳已經做緊生意喇，晚上七點鐘左右入座率有八、九成！大家都係會捐窿捐罅搵食嘅同道中人😜。環境幾舒服，令人感覺輕鬆，樓面面積唔大，但勝在有兩層，樓上好適合Book嚟開Party。講返食物先，餐廳主打西餐🍽，但應該無話係偏向英式定法式等。選擇唔算特別多，前菜、主菜同甜品各有幾款選擇，價錢屬中等水平。Beets and Feta Salad($128)，呢碟紅菜頭希臘芝士沙律夠晒特別，佢有別於其他餐廳慣常嘅田園沙律或者凱撒沙律，因為主角係用上紅菜頭💜。我其實都幾鍾意食紅菜頭，但就唔係成日食到。紅菜頭味道甜甜地、口感爽爽地，再搭配埋較清淡嘅希臘芝士同唔膩嘅醬汁，成個組合好新清，唔係單靠酸味嚟令你開胃。Clams in Lemongrass Sauce with Bread($148)，唔同國家都有煮蜆呢道菜，通常都好食，當然呢度亦唔例外。首先蜆嘅新鮮度、呎吋同份量均令人滿意，更重要嘅係個忌廉汁超好食😋！醬汁Creamy得嚟無令人有好
同朋友去銅鑼灣新開張嘅激安前，就梗係要先醫飽個肚啦。我哋去咗試船街嘅新餐廳「Flagship」，網上見人推介幾正咁，去到先知而家只係試業中，招牌都未正式掛上😳。
不過餐廳已經做緊生意喇，晚上七點鐘左右入座率有八、九成！大家都係會捐窿捐罅搵食嘅同道中人😜。環境幾舒服，令人感覺輕鬆，樓面面積唔大，但勝在有兩層，樓上好適合Book嚟開Party。
講返食物先，餐廳主打西餐🍽，但應該無話係偏向英式定法式等。選擇唔算特別多，前菜、主菜同甜品各有幾款選擇，價錢屬中等水平。
Beets and Feta Salad
$128
79 views
0 likes
0 comments
Clams in Lemongrass Sauce with Bread
$148
41 views
0 likes
0 comments
Pancetta Carbonara
$138
35 views
0 likes
0 comments
Chef Blended Beef Burger
$158
27 views
1 likes
0 comments
漢堡扒超厚切，應該大約五至七成熟？所以食落好Juicy，🐮而且牛味濃郁。🍟伴碟嘅薯條係即炸，熱辣辣送上，搭配嘅醬汁同漢堡包個醬係一樣的，薯條本身亦都落咗啲黑椒。
Panna Cotta
$68
23 views
1 likes
0 comments
Lemon Tart
22 views
1 likes
0 comments
餐廳服務到位，全部店員都好友善。我哋仲感受到疑似老闆同大廚都真係好有心機想搞好餐廳。佢哋會同客人傾下偈，介紹菜式同收集意見😊。
總括嚟講，食物質素真係超高水準💯，最厲害之處係餐廳能夠讓平凡嘅菜式變得不一樣！呢晚同我食飯嘅朋友一向眼闊肚窄，但佢今日竟然開行Turbo食足一半就知有幾好食。再者，食物份量亦都唔少，男仔都夠食🙈。假若餐廳遲啲會同訂台App合作，有折頭的話可能會成為我嘅飯堂。
Post
