皇御園 (Closed)

星期六，全家人齊齊整整去飲茶訂咗1:00。吓，去到同講話未有位要等真係火都嚟埋脆皮鮮蝦春卷，應脆嘅脆、應該滑嘅滑、個腸粉豉油調教得好好味。黃橋燒餅普普通通，不過有塊板熱住，都算有心思。另外見佢轉左啲新點心，但係食唔到咁多嘢下次先再試。可能因為都近12月，見佢出咗啲新嘅煲仔菜就梗係要試吓啦。古法炆花錦鱔煲，抵讚足料。蝦子柚皮鵝掌，水準以內。甜品叫咗個核桃酥，普普通通啦。門口個經理仲請我哋食糖水，之後佢仲解釋返，原來係因為上一台客人訂咗11:30有折頭嘅枱，係限時90分鐘嘅。而因為嗰台客人唔肯還枱，仲發脾氣話要投訴經理冇禮貌。總括嚟講餐飯都好滿意，真係難為了經理。