Video
Read full review
2023-02-22
938 views
介紹返💁🏻♀️。。🇨🇳 潮州菜 在九龍城 🇨🇳。鎔記潮州飯店。九龍城城南道33號地下。滷水拼盤。HKD118涼瓜炆倉魚。HKD198 潮州炸蠔餅。HKD88🤫 啱啱嗰個星期六日飯腳仔去咗參加100K..星期一就攞咗日假休息吓..差唔多下午茶時間..佢突然之間走咗過嚟..我意思係由佢屋企嚟咗我屋企..話帶我出去食好嘢..咁我哋呢啲嫁雞隨雞嫁狗隨狗..嫁着隻馬騮通山走嘅就梗係即刻換衫跟佢出去啦🤫 事沿係早排我同佢講過話突然好想嘆吓潮州打冷嗰啲滷水鵝..然後佢周圍打聽..收到風話九龍城有間鎔記啲鵝好好食..所以即刻帶我去喎🤫 我哋去到九龍城三點半左右..人哋鎔記先至啱啱開門..(我諗冇人會好似我哋咁樣呢個時間過嚟食打冷囉😂) 正因為呢個時間半唥鯁..我哋都唔敢叫咁多嘢食..一於叫一份滷水雙拼..一份蠔餅同一條魚當下午茶🤫 首先上枱嘅就係我非常之期待嘅滷水鵝片拼鵝腸..真係不得了呀～師傅手勢真係好好..鵝片切得夠薄..滷水味香濃..肉質彈牙可口..然後鵝腸就更加香濃好味..有口感之餘並唔會靭..最正嘅就係底下墊住一大嚿滷水豆腐..同埋平時好少見到有嘅滷水花生..就連飯腳仔呢個腌尖大少都讚不絕口
。
。
🇨🇳 潮州菜 在九龍城 🇨🇳
。鎔記潮州飯店
。九龍城城南道33號地下
。
滷水拼盤
。HKD118
涼瓜炆倉魚
。HKD198
潮州炸蠔餅
。HKD88
🤫 啱啱嗰個星期六日飯腳仔去咗參加100K..星期一就攞咗日假休息吓..差唔多下午茶時間..佢突然之間走咗過嚟..我意思係由佢屋企嚟咗我屋企..話帶我出去食好嘢..咁我哋呢啲嫁雞隨雞嫁狗隨狗..嫁着隻馬騮通山走嘅就梗係即刻換衫跟佢出去啦
🤫 事沿係早排我同佢講過話突然好想嘆吓潮州打冷嗰啲滷水鵝..然後佢周圍打聽..收到風話九龍城有間鎔記啲鵝好好食..所以即刻帶我去喎
🤫 我哋去到九龍城三點半左右..人哋鎔記先至啱啱開門..(我諗冇人會好似我哋咁樣呢個時間過嚟食打冷囉😂) 正因為呢個時間半唥鯁..我哋都唔敢叫咁多嘢食..一於叫一份滷水雙拼..一份蠔餅同一條魚當下午茶
🤫 首先上枱嘅就係我非常之期待嘅滷水鵝片拼鵝腸..真係不得了呀～師傅手勢真係好好..鵝片切得夠薄..滷水味香濃..肉質彈牙可口..然後鵝腸就更加香濃好味..有口感之餘並唔會靭..最正嘅就係底下墊住一大嚿滷水豆腐..同埋平時好少見到有嘅滷水花生..就連飯腳仔呢個腌尖大少都讚不絕口..好味嘅程度係去到..份蠔餅都未上枱我哋已經食晒成碟滷水雙拼咁滯..呢個真係大推..我一定會嚟返兜
🤫 再嚟就係新鮮滾熱辣嘅蠔餅啊..本身諗住幾十蚊貨仔唔會太大份..就算飯腳仔唔食..我都可以自己一個食晒..點知我錯啦🥹 份蠔餅大到阿媽都唔認得..好有鑊氣勁香脆..而且係用好大隻嘅蠔嚟整蠔餅㗎呢度..點埋旁邊嗰啲魚露真係Perfect啊..好可惜我一個人真係食唔晒..剩返好多..真係好心痛
🤫 最後就係我哋叫咗一個比較下火啲嘅涼瓜炆倉魚..揀飲擇食之王飯腳仔唯一唯二食嘅魚就係倉魚啦..見佢肯大啖食我就開心..倉魚又係好鬼大條..大過我塊面..而且食得出師傅用涼瓜炆佢之前係有煎炸過..所以就算條魚放喺咁香濃嘅芡汁入邊都依然係脆口..而且條魚都好新鮮彈牙呀.. 食晒成條魚之後我哋都飽晒..仲諗住留肚返屋企食晚飯添..錯晒🤭
🤫 嘢食講完啦..係時候講吓環境配套..聽老闆娘同啲夥計溝通嘅時候大約知道鎔記其實應該有兩間舖頭喺九龍城..而我哋嚟嘅呢一間舖頭係有樓上嘅..所以環境都幾闊落..咁講得話潮州打冷就梗係唔會係嗰種冠冕堂皇嘅餐廳格局啦..佢比起普通大排檔乾淨企理..而且老闆娘性格豪爽..一邊食就一邊聽到佢嚴厲教導夥計點樣清潔地方..保持環境乾淨..我諗夜晚黑呢度應該好多人幫襯㗎..等我叫飯腳仔下次夜晚黑帶我嚟再食過先
🤫 後記一下..因為食完個咁澎湃嘅蠔餅..所以我係附近隊咗一個龜苓膏先至返屋企🤪
。。
翻兜指數：🙆🏻♀🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
Post
