麥當勞

Open Now

Now Closed

麥當勞早排網上派免費麥炸雞，咁啱拎到一份，為食嘅我緊係要試試啦我拎嘅麥炸雞係雞下髀，雞髀都幾大隻，雖然好大隻，但係啲肉食落都幾滑，以炸雞嚟講都算係咁，KFC都做唔到咁滑。但係原來件雞幾辣，辣度好似辣過脆香雞翼，本身我都食得辣嘅，都覺得幾辣，唔知係咪分店問題，要再試下其他先評價到。唔食得辣嘅朋友就要諗下試唔試喇另外，麥當勞喺包裝袋嘅設計都放咗小小心思，個袋中間整咗虛線位，可以喺中間打開，包住下面個part，食嘅時候唔洗整污糟隻手。至於價錢，淨兩件雞要$33，跟餐要$45，價錢唔算好平，不過如果突然夜麻麻想食炸雞，都可以頂下癮，始終都仲未有24小時營養嘅KFC同其他同類型嘅炸雞店