Video
Read full review
2015-10-17
1089 views
年年我都係 order 尖沙咀江記，自從幾年前同事介紹後一直無變，我一向都最專一架啦，當然大閘蟹水準、價錢、服務都要令我滿意。成班老友齊齊食，叫左四十幾隻 6 兩大閘蟹，$100 蚊隻送埋陳醋、紫蘇葉、老薑、紅糖，仲有港九新界速遞服務，抵砌！前日訂蟹，琴日五點未夠已送到黎大埔喇，我要左 5 男 5 女攞返屋企，不過阿爸阿媽都唔多好大閘蟹，怕膽固醇超標。我自己消滅左兩隻公，兩隻乸留返今晚同朋友們一齊開餐，其餘都留返晒係屋企。大閘蟹乸 6 兩，加紫蘇葉水滾蒸 15 分鐘剛剛好。鬧鐘響！新鮮出爐，正到痺，勁香濃蟹香呀！香噴噴，口水直溜，我已經預備好起動喇！剛蒸起熱到辣手攞唔起呢，唯有攤佢一陣先，好心急！琴晚食完兩條仔，爆膏黏口好味到暈，蟹肉勁鮮更甜更多肉汁，唔知今晚依兩條女咩質數呢？大閘蟹乸 6 兩，今餐由史老闆操刀蒸起，時間剛剛好無長又無短，保持大閘蟹係最美味既狀態。開呀！打開個蓋，澎湃既蟹膏令人為之一振！爆膏滿瀉一手黃油，好想即刻塞晒入口呢。出盡力抑壓貪吃既情緒，去腳去鉗去肺，最後去埋心臟，搣開兩邊，一切準備就緒喇。肚圓既蟹乸較蟹公細隻少少，不過蟹膏跟公一樣甘甜美味，香濃無比。乸膏較結實
年年我都係 order 尖沙咀江記，自從幾年前同事介紹後一直無變，我一向都最專一架啦，當然大閘蟹水準、價錢、服務都要令我滿意。成班老友齊齊食，叫左四十幾隻 6 兩大閘蟹，$100 蚊隻送埋陳醋、紫蘇葉、老薑、紅糖，仲有港九新界速遞服務，抵砌！
前日訂蟹，琴日五點未夠已送到黎大埔喇，我要左 5 男 5 女攞返屋企，不過阿爸阿媽都唔多好大閘蟹，怕膽固醇超標。我自己消滅左兩隻公，兩隻乸留返今晚同朋友們一齊開餐，其餘都留返晒係屋企。
大閘蟹乸 6 兩，加紫蘇葉水滾蒸 15 分鐘剛剛好。鬧鐘響！新鮮出爐，正到痺，勁香濃蟹香呀！香噴噴，口水直溜，我已經預備好起動喇！剛蒸起熱到辣手攞唔起呢，唯有攤佢一陣先，好心急！琴晚食完兩條仔，爆膏黏口好味到暈，蟹肉勁鮮更甜更多肉汁，唔知今晚依兩條女咩質數呢？
大閘蟹乸 6 兩，今餐由史老闆操刀蒸起，時間剛剛好無長又無短，保持大閘蟹係最美味既狀態。開呀！打開個蓋，澎湃既蟹膏令人為之一振！爆膏滿瀉一手黃油，好想即刻塞晒入口呢。出盡力抑壓貪吃既情緒，去腳去鉗去肺，最後去埋心臟，搣開兩邊，一切準備就緒喇。
肚圓既蟹乸較蟹公細隻少少，不過蟹膏跟公一樣甘甜美味，香濃無比。乸膏較結實而有咬口，比公膏味道更濃，餘香一直纏繞著所有味蕾及齒隙之間，好食到忘我境界，身邊發生任何事都唔理喇，食左先講！蟹肉非常鮮甜，跟本無需要任何調味或點醋，食原味已經無得頂喇！
食一隻點夠喉，無可能止到毒癮！一不離二，即時執多劑，整多條女先！依轉由伊蛙姐姐出手蒸，但居然唔較鬧鐘，我都奇怪點解等左半個鐘都未得，原來唔記得左，蒸多左成 15 分鐘呀。好采香氣、味道、蟹膏、肉汁都跟剛才唔係差太遠啫，蒸耐左過熟，蟹水蟹膏流失多左一點點囉。好好味啊！我仲想添食，但已經食晒喇，唯有吊住癮先啦。
Post
