公和荳品廠

Open Now

Now Closed

睇到近日出個米芝蓮推介，諗起前排先食完公和，佢啲豆品係幾好食嘅，又平呢，餐與餐之間口痕去食下幾好㗎，不過一位難求，要堂食都撞運氣。黎到公和點可以唔食佢地嘅豆腐花，左邊係凍豆花，右邊就係熱，兩碗其實差唔多，啲人話熱食滑啲？有無根據㗎？佢地個豆花係滑嘅，仲好有豆味，最正係黃糖任落，哈哈。仲食左個三寶豆腐，豆卜同魚腐，廚房不停咁出，擺係姐姐個爐到，個姐姐只係負責有人order就夾落碟，如果靠佢一個人煎有排都無得食啦。講返個三寶，個人最鍾意豆腐，又香又滑口感好正，豆卜我覺得硬左少少，魚腐都好食，但魚肉味太搶，記得加辣醬食，加左好食好多㗎。一人十幾蚊過下口引抵啦，而加米芝蓮喎。