Drunkerland

Open Now

Now Closed

近期迷上手工啤酒 , 皆因每一種手工啤酒都有佢嘅獨特性， 無論顏色、 味道 、回甘都各有不同。 聽朋友講喺天后開咗一間酒吧叫做《Drunkerland》, 雖然只係小酒吧， 但居然有二百幾種唔同國家， 唔同口味嘅手工啤酒選擇。 酒吧唔單止淨係得啤酒飲， 仲有各種佐酒小食， 放工之後來happy hour輕鬆一下， 就最適合不過。 Drunkerland主打自家釀製手工啤酒， 其中一款命名為 “赤柱”， 皆因呢款啤酒係專為赤柱嘅分店而釀製，“ 赤柱”帶有小麥顏色，色澤金黃， 微微滲出荔枝味， 大口喝下， 帶點回甘。 呢款手工啤酒氣泡唔算好多， 但總算飲得出自家嘅特色。 以“赤柱”命名， 好友local感覺， 絕對值得一喝。第二款同樣係本地製作嘅手工啤酒，係Lion Rock系列嘅Great Master“ 一代宗師”， 一睇個名就知道係勁嘢， 口感醇而不烈， 味道複雜有層次 ，帶點羅漢果同柑橘果香味， 平衡咗啤酒既苦澀味。飲咗咁多local野 ， 介紹返大家平時成日飲Hoegaarden 系列， 唔講唔知原來Hoegaarden有咁多款bottle beer, 呢支Grand cru