塩玉居酒屋 (Closed)

是日居酒屋晚餐，叫左林林總總既串燒，好豐富。人均$400左右。蔥吞拿魚腩薄脆（$68），上啲青檸汁，軟腍既蔥拖羅配脆口既餅底係個既開胃既前菜。辣酒煮花螺（$98），用竹籤挑，口感彈牙有咬口，唔算辣。燒日本黑豚五花腩（$42），腩位油脂令肉質鮮嫩可口。燒日本雞尾（$25），雞尾包食得多，真雞尾第一次食，原來係肥肉比較多，入口較油。燒日本雞腎（$28），爽口唔硬，正！燒雞心（$32），都係爽口派。燒翠玉瓜（$22），上面有啲木魚絲配照燒醬，蔬菜平衡下。燒秋葵（$22），幾抵食啊有四條。燒青芥牛柳（$58），呢個好juicy，牛味保存得好好。燒京都豆腐（$30），外面脆脆地，熱辣辣。燒鴨舌（$38），食串燒較少見到既野。燒日本雞肝（$32），口感似鵝肝。雞胸軟骨（$38），平時都係食雞軟骨多，原來雞胸軟骨都咁正。蒲燒鰻魚石鍋飯（$198），熱辣辣黎到，鰻魚係軟腍，切開一小塊，醬汁比較鹹同重味，配飯食一流。呢度平日夜晚唔算人多，燈光半暗，傾計一流架。