Video
Read full review
2023-04-11
61 views
長假前朋友約飯聚，介紹一間係尖沙咀嘅任食無限時火鍋。以一個唔食牛嘅朋友約打邊爐又真係有啲懷疑😂。話晒打邊爐呢樣嘢，除咗個爐之外，牛肉嘅質素就係成餐飯嘅靈魂所在。追問下，原來佢之前同同事去過，話啲肉類唔錯，仲要啲海鮮亦都高質。淨係套餐包咗嘅都已經多到食唔晒。見佢講到咁，就一於奉陪。當晚7點前去到，都八，九成滿。除咗幾個飲品櫃之外，其他配料都喺用QR code任點。相對衛生啲，又可以減少浪費👍🏻我先到攞位就望一望個餐牌，再望一望隔離檯，啲前菜大份到有啲誇張，唔怪得話會食唔晒。 人齊揀好湯底啲驚喜就陸續嚟。餐前小食/頭盤頭盤未上之前，小食先到，有雞軟骨、黑醋雲耳、涼拌青瓜同中華沙律。當中最好食係個雞軟骨，炸得夠香口唔柴。食在幾啖之後個頭盤就到。頭盤我哋4個點咗芝士焗波士頓龍蝦，芝士焗美國生蠔同老壇酸菜魚。先講下個味道，龍蝦，生蠔夠熱但唔又冇煮得過熟。只要控製好嗰火候，基本上芝士焗就冇乜可能出事。至於酸菜魚，魚肉嫩滑，份量豐富，基本上係正餐嘅份量。仲要一樣有薯粉墊底。女士食完都已經飽咗大半😅喜愛度(5分為滿分): 4安格斯牛肉拼盤🐮有四款唔同部位，手切牛小排，牛肩胛，封門柳同牛板腱。每款有六片
餐前小食/頭盤
頭盤未上之前，小食先到，有雞軟骨、黑醋雲耳、涼拌青瓜同中華沙律。當中最好食係個雞軟骨，炸得夠香口唔柴。食在幾啖之後個頭盤就到。頭盤我哋4個點咗芝士焗波士頓龍蝦，芝士焗美國生蠔同老壇酸菜魚。先講下個味道，龍蝦，生蠔夠熱但唔又冇煮得過熟。只要控製好嗰火候，基本上芝士焗就冇乜可能出事。至於酸菜魚，魚肉嫩滑，份量豐富，基本上係正餐嘅份量。仲要一樣有薯粉墊底。女士食完都已經飽咗大半😅
喜愛度(5分為滿分): 4
安格斯牛肉拼盤🐮
有四款唔同部位，手切牛小排，牛肩胛，封門柳同牛板腱。每款有六片到，質素又真係高。牛味夠濃，食得到每款部位嘅特色。牛小排滑帶油香，肩胛肉夠嫩滑，封門柳肉味濃郁，牛板腱肉味濃之餘帶甜同有咬口。呢個拼盤係出色嘅，如果可以再點就更加好啦。
喜愛度(5分為滿分): 4.5
海鮮拼盤
賣相好，份量亦都夠，當晚有蟶子、鱔片、大海蝦、鮮鮑魚、花甲、廣島蠔、蟹棒、手打墨丸蝦丸。有鱔片呢下有啲驚喜，仲要佢哋個墨丸又真係幾足料，有粒粒嘅墨魚肉係入面，有口感。蟶子、鮑魚、海蝦同花甲都夠新鮮。整體係一個高質素嘅海鮮拼盤。
喜愛度(5分為滿分): 4.5
追加配料
因為有朋友唔食牛，所以有追加到黑豚肉，估唔到又好食喎，肥瘦適中。淥耐咗都唔會太韌。其他丸類，鴨血，豆品，菜籃等等都有質素。唯獨係追加牛肉就冇比較冇傷害，相比起個拼盤就會落咗一格，不過都唔算爭好遠。
喜愛度(5分為滿分): 3.5
總括嚟講，三百中嘅價錢食到咁嘅品質算係好，種類多。當然，牛魔王就可能會覺得唔夠喉。因為淨係個前菜都已經食飽大半，加埋個海鮮都真喺冇乜qouta再追加其他配料喇。😅
Post
