Playa de Papagayo (Closed)

今晚朋友生日聚餐，朋友介紹來到食西班牙餐，小弟本身無食過西班牙餐，有點期待。（下面唔打食物全名，數字代替，下單時也可以講數字的。）未人齊就點點東西先，這杯（荔枝，蘋果，檸檬）唔太大，但味道唔差，大眾口味。芝士球十分重芝士味，外脆內軟，點醬食更多層味覺。魷魚圈，唔脆唔熱，麻麻地。香料雞翼十分野味（可選原味辣味），脆口微辣，剛剛好熟，還帶點肉汁，必食之一。八味吐司，個包底淋淋地，口感一般，八種味道，小弟只食辣螺肉同黑松露蛋，味道一般。黑松露雞茸磨菇脆卷，冷盤，脆皮，重黑松露味，可以一試。乳豬有點奀皮小騷味，但肉嫩，點醬可去油感，而且更好食。蒜蓉包雖然係凍，不過十分乾身脆口，而且多蒜，喜歡蒜蓉包一定要點。西班牙海鮮飯是必點之一，豐富海鮮（咸淡不一），味道還可，選墨魚汁，食完記得笑一笑。薄餅十分重芝士味，薄身，食多兩塊都無問題。斧頭豚肉是今餐最令小弟意外滿意的主菜，唔好睇佢咁厚肉，絕對稱得上“肉嫩多汁”，必食之一，點上醬汁就更野味。今餐我們6人，每人平均三百幾，中上價，環境比較暗（有點想訓。。。），不過上菜快，味道好，份量足，唔會太多客，朋友聚餐，吃喝玩樂好去處。