麻神麻辣火鍋 (Closed)

我地一班人約得，當然選擇打邊爐，而且冬天食幾多都唔怕~呢間麻神聽朋友講過，幾好食，選擇多，就黎試下啦!黎到一睇個餐牌，的確係幾多得揀，食物種類好多，而且唔係酒樓，有D特別!我地最後決定叫兩個二人餐，兩個餐都有海鮮，岩哂我地!兩個餐都有牛、鴨血、豬、油條、青口、花蛤、蝦、菜盤~而唔同的是一個有元蹄根、黃喉、蛋餃同紫米糕，而另一個就係有魚、聖子、丸拼盤!我地幾個人食真係好適合，一次過可以食咁多，而且多種類，份量適中!湯底唔太辣，不過麻香濃，超吸引!食物試完都覺新鮮，個鴨血要讚，另外海鮮非常鮮甜入味，如果想試唔同種類，真係可以叫餐!