Video
Read full review
2023-01-13
411 views
近年打邊爐愈黎愈多唔同嘅花招任飲、任食、唔限時，愈嚟愈普遍今日嚟到呢間淥鼎記除左有得任飲任食之餘仲可以揀主菜，食完再轉鍋底打邊爐選擇更豐富我地入座之後店員就先送上四小碟前菜分別有花生、青瓜、泰式鳳爪同埋炸魚皮之後我地就要先揀主菜佢嘅主菜有重慶、雞煲、酸菜魚、烤魚同埋羊腩煲等等不過烤魚同埋羊腩煲都係六位以上先至免費所以我地最後揀左椰子雞鍋有半隻雞可以自己淥我地水滾落雞，等再水滾之後再浸多15分鐘就食，雞肉好嫩滑！而佢嘅椰子雞湯好清甜！餐廳仲提供埋沙薑同埋青檸，通常都要食椰子雞嘅專門店先會有提供，估唔到呢度咁專業！食完主菜我地仲因為太鍾意呢個湯所以繼續用呢個湯打邊爐之後店員都非常貼心提醒我地仲可以揀湯底打邊爐湯底有六款可以選擇，分別係鴨血麻辣鍋、花膠美人鍋、澳門豬骨鍋、海皇海鮮鍋、肉骨茶鍋、胡椒豬肚鍋由於好耐無食過豬骨煲喇，所以我哋就揀左澳門豬骨鍋佢地嘅豬骨鍋超足料，一上枱已經見到好多嘅豬骨，又有粟米、蘿蔔、芹菜、黑椒等等配料，湯底味道濃郁！既有蔬菜嘅甜味，亦有豬骨嘅濃郁同埋黑椒嘅香辣，不論食菜定食肉都咁好味！除左主菜同火鍋湯底呢度嘅配料都好特別，質素幾高牛肉一共有三款可以揀分別係安格斯肥
任飲、任食、唔限時，愈嚟愈普遍
今日嚟到呢間淥鼎記
除左有得任飲任食之餘
仲可以揀主菜，食完再轉鍋底打邊爐
選擇更豐富
我地入座之後
店員就先送上四小碟前菜
分別有花生、青瓜、泰式鳳爪同埋炸魚皮
之後我地就要先揀主菜
佢嘅主菜有重慶、雞煲、酸菜魚、烤魚同埋羊腩煲等等
不過烤魚同埋羊腩煲都係六位以上先至免費
所以我地最後揀左椰子雞鍋
有半隻雞可以自己淥
我地水滾落雞，等再水滾之後再浸多15分鐘就食，雞肉好嫩滑！
而佢嘅椰子雞湯好清甜！
餐廳仲提供埋沙薑同埋青檸，通常都要食椰子雞嘅專門店先會有提供，估唔到呢度咁專業！
食完主菜我地仲因為太鍾意呢個湯
所以繼續用呢個湯打邊爐
之後店員都非常貼心
提醒我地仲可以揀湯底打邊爐
湯底有六款可以選擇，分別係鴨血麻辣鍋、花膠美人鍋、澳門豬骨鍋、海皇海鮮鍋、肉骨茶鍋、胡椒豬肚鍋
由於好耐無食過豬骨煲喇，所以我哋就揀左澳門豬骨鍋
佢地嘅豬骨鍋超足料，一上枱已經見到好多嘅豬骨，又有粟米、蘿蔔、芹菜、黑椒等等配料，湯底味道濃郁！既有蔬菜嘅甜味，亦有豬骨嘅濃郁同埋黑椒嘅香辣，不論食菜定食肉都咁好味！
除左主菜同火鍋湯底
呢度嘅配料都好特別，質素幾高
牛肉一共有三款可以揀
分別係安格斯肥牛、安格斯牛板腱同埋每日唔同嘅「盲牛」
安格斯認證，質素絕對有保證
但最值得推介嘅係呢度嘅豬肉片
佢地用左伊比利亞黑毛豬，肉片不但肥美，肉味更加濃郁到滿瀉，誇張啲講就好似係豬入面和牛級數。
佢地有自己嘅特色餃子
我最鍾意食佢地嘅芹菜香莤蝦餃
粒粒都好飽滿，蝦肉爽甜
感覺有啲似平時酒樓飲茶食菜苗餃咁！
而菜嘅選擇都好多
放題比較少見嘅西洋菜都有！
而飲品方面
雖然冇提供酒精類飲品任飲
但係佢哋汽水選擇都好豐富
仲有佢哋自家製嘅竹蔗茅根同埋洛神花茶可以揀
所以都有足夠嘅飲品選擇
整體來講呢間火鍋放題店嘅質素都幾好，下次會再嚟食
Post
