Vibes the place (Closed)

今日同朋友行過第一街，發現這間用 singing bowl為主題嘅餐廳，膽粗粗就入去睇吓啦，因為都唔知咩嚟。裝修都幾得意㗎，擺咗十幾個bowl喺度，店員好好喎幫我地介紹佢嘅用法，運用聲音嘅頻率去增加美味指數，令水嘅密度改變。餐廳都係講返食物先，雖然食物選擇比較少，都係一啲健康食品，以前會覺得健康食品都係淡而無味，今日竟然比我見識得到有咖喱蝦菜菜，清淡嘅香氣加幾滴青檸汁，如果能夠配個燒餅就更加好🤣🤣咖啡同茶都係佢哋嘅主打，我梗係試佢哋嘅招牌冰滴咖啡啦，味道好純，沒有酸和苦澀嘅味道。簡單溫暖的設計，為週末夜展開序幕。