Video
Read full review
2016-05-15
1192 views
平時同朋友食晚飯好小機會可以食拉面, 因為坐得唔耐同食物種類較小. 今日咁岩lunch time諗唔到食咩, Vi就提議黎食拉面!呢間拉面店o係theone對面, 地點都幾方便, 成日見有人排隊, 所以好想試下, 呢度既拉面款式算多, 除左一般既豚肉湯底之外, 仲有雞湯底, 好多見, 小食方面就有餃子同炸雞~Vi同朋友要左一碗特盛炙燒豚肉拉麵同雞叉燒味玉雞白湯拉麵, 每樣都試下, 而小食就點左醬燒餃子~先黎雞叉燒味玉雞白湯拉麵, 硬度要左硬同揀左少油, 湯底偏白色, 味道係香濃既雞湯味, 唔會太咸, 係平時食拉面少食到既味道, 幾特別, 而拉面夠硬身, 質感唔錯, 半熟蛋煮得岩岩好, 最特別係個叉燒用左雞肉做, 好林好滑, 朋友話好似入口即溶咁wo, Vi就覺得無咁誇張不過係好味道既~之後黎係特盛炙燒豚肉拉麵真係嚇左一跳, 係勁大碗!!豚肉有4大塊, 真係好誇張, 而豚肉湯底係超濃郁, 濃到有小小杰身, 味道偏咸但好香豚肉味, 油份就多左d,所以建議大家叫少油, 炙燒豚肉肥瘦適中, 燒得幾香幾林, 有d似食緊燒肉, 中意濃味既朋友應該中意豚肉拉麵多過雞白湯拉麵, 不過豚肉真係太多塊,
呢間拉面店o係theone對面, 地點都幾方便, 成日見有人排隊, 所以好想試下, 呢度既拉面款式算多, 除左一般既豚肉湯底之外, 仲有雞湯底, 好多見, 小食方面就有餃子同炸雞~
Vi同朋友要左一碗特盛炙燒豚肉拉麵同雞叉燒味玉雞白湯拉麵, 每樣都試下, 而小食就點左醬燒餃子~
雞叉燒味玉雞白湯拉麵
$88
57 views
0 likes
0 comments
特盛炙燒豚肉拉麵
$118
50 views
0 likes
0 comments
醬燒餃子
$38
29 views
0 likes
0 comments
食完拉面其實都好飽, 不過見到人地枱食既抹茶雪糕又忍唔住點左, 抹茶味幾濃, 不過入面仲食到有d粒粒碎冰, 同埋旁邊既紅豆太甜, 會搶左抹茶味, 但以拉面店既甜品黎講算唔錯~
日本抹茶雪糕
$28
30 views
0 likes
0 comments
整體呢間拉面店都幾有驚喜, 唔會好似其他同類店舖咁只有拉面食, 同埋呢度既座位幾寬敞, 有私人空間, 唔怪得成日都有人排隊~
Post
