佳牛美酒 (Closed)

依年幾冇得去旅行，變相更加捨得洗錢去食好西😚早幾日家姐帶咗我嚟「佳牛美酒」食lunch，睇個名就知係食靚牛肉，果然依度有齊澳洲、美國、日本嘅高級牛肉，牛魔王又點可以錯過🤤依度主打係食燒肉嘅，同平時食開嘅有啲唔同，係由專業師傅喺面前親自幫我地燒製，咁就唔怕浪費咗啲靚牛肉啦☺️點餐後先上前菜、日式湯同芝麻水菜沙律。前菜由幾款食物組成，有廣島蠔、蒜頭漬、海膽魷魚、薯仔沙律同芝麻牛蒡絲，一啲都唔馬虎㗎😳• 日本A5和牛西冷溫泉蛋飯定食(Lunch Set-The Prestige) $498師傅喺我哋面前準備好食材，俾我哋打完卡之後就開始幫我哋燒肉喇！燒製後嘅A5和牛充滿焦香，甜甜哋嘅醬汁降低咗和牛嘅膩感，油香滲入香軟嘅飯粒之中，入口係幸福嘅感覺，美味之餘亦都好有飽足感🥰• 炭燒美國極黑和牛西冷定食(Lunch Set-The Prestige) $488至於依份美國和牛西冷就會喺廚房烹調後上菜，可以自己選擇生熟度，嗌咗三成熟賣相都好對版，相比日本和牛，美國和牛就冇咁肥，肉質偏向有咬口，肉味亦會濃一點。燒汁味道略重，有啲蓋過咗和牛嘅味道，反而點旁邊嘅淡雪鹽少少鹹味帶出個牛味個人覺得仲更加好食😚最