村爺爺車仔麵 (Moved) New Location

之前已經食過村爺爺泡飯，印象都好好， 今次趁住打風唔想同人逼車，決定同朋友去村爺爺食個車仔麵當晚餐先返屋企。去到門口，見到勁多合照，應該好多明星都來幫襯， 同埋好多報紙介紹，應該唔會令我失望嘅。第一次食當然要試馳名的龍蝦湯車仔麵! $68兩個餸ge車仔麵聽落唔平, 但係有龍蝦湯*3 (重要ge事講三次)! 用咁豪華ge材料整車仔麵, 淨係創意都滿分!飲得出湯底熬左好耐, 甜得來唔會愈飲愈渴, 同平時d味精湯感覺差好遠。我覺得即使冇麵，淨飲個湯都冇問題。好大隻龍蝦! 本來都唔信60幾蚊可以食到龍蝦, 更加估唔到係咁足料, 龍蝦好大隻, 肉質鮮嫩，仲有好多蝦膏。隨麵附上了鉗子，可以拆蝦鉗的肉來吃。蝦殼很厚，雖然有點難拆，但辛苦是很值得的！真的有很多龍蝦肉！而且店員也給了我們濕紙巾，食完就可以立即擦乾淨，非常細心。餸菜與麵是分開上的, 避免餸菜一直浸著。我揀了魚腐和牛筋：魚腐很彈牙，牛筋炆得煙煙靭靭，咬落口感很好，也很鮮甜。朋友選的是豬皮和大腸。豬皮比平時食到的軟一點，不那麼爽口，而是靭靭的，我比較喜歡這種口感；至於大腸則有濃濃的滷水味，很入味。真沒想到普通的車仔麵配料都做得這麼用心呢！總括