Video
Read full review
2024-07-07
538 views
知道朋友係貓奴🐱，特登搵咗間貓貓cafe。 餐餐位於旺角，入去餐廳之前先要消毒同埋確保有著襪，如果無著襪嘅話都可以比$6買一對。 入到去空間感十足，四圍都係貓貓，有普通檯椅，搖搖椅，榻榻米位置任你揀。 餐廳養嘅大部份都係流浪貓，如果大家有興趣，店主可以讓客人領讓呢度嘅流浪貓貓，牆上有唔同貓貓嘅名同資料，或者大家都可以掃貓貓頸上QR code。 我哋先揀咗幾款食物，當餐點送到嘅時候，其中一隻貓貓仲跳咗上對面張檯望住我哋食，非常可愛😻 喵全日早餐🐱：呢個all day breakfast 好豐富，顏色又吸引。首先有一塊貓咪吐司，烘得都幾香脆；另外炒蛋非常嫩滑，充滿牛油香味，亦有陣陣香草味；煙三文魚帶有陣陣煙薰香氣，入口甘香濃郁；大啡菇菇味香濃，香氣四溢；腸仔香脆，咬落多汁；沙律菜新鮮爽脆。 招牌蒜香明太子蟹肉闊條麵：蟹肉明太子意粉有好豐富嘅明太子，食落每條意粉都黏住明太子，咬落去好爽脆，感覺好有層次。以明太子鹹香味再配搭蟹肉鮮甜味，味道相當配合，意粉軟硬度適中。意粉食落亦感覺好creamy，非常美味。碟上仲畫咗兩個貓貓肉球，so cute 😍 生椰拿鐵🥥☕️：有淡淡嘅椰香味，配合latte
知道朋友係貓奴🐱，特登搵咗間貓貓cafe。
餐餐位於旺角，入去餐廳之前先要消毒同埋確保有著襪，如果無著襪嘅話都可以比$6買一對。
入到去空間感十足，四圍都係貓貓，有普通檯椅，搖搖椅，榻榻米位置任你揀。
餐廳養嘅大部份都係流浪貓，如果大家有興趣，店主可以讓客人領讓呢度嘅流浪貓貓，牆上有唔同貓貓嘅名同資料，或者大家都可以掃貓貓頸上QR code。
我哋先揀咗幾款食物，當餐點送到嘅時候，其中一隻貓貓仲跳咗上對面張檯望住我哋食，非常可愛😻
喵全日早餐🐱：呢個all day breakfast 好豐富，顏色又吸引。首先有一塊貓咪吐司，烘得都幾香脆；另外炒蛋非常嫩滑，充滿牛油香味，亦有陣陣香草味；煙三文魚帶有陣陣煙薰香氣，入口甘香濃郁；大啡菇菇味香濃，香氣四溢；腸仔香脆，咬落多汁；沙律菜新鮮爽脆。
招牌蒜香明太子蟹肉闊條麵：蟹肉明太子意粉有好豐富嘅明太子，食落每條意粉都黏住明太子，咬落去好爽脆，感覺好有層次。以明太子鹹香味再配搭蟹肉鮮甜味，味道相當配合，意粉軟硬度適中。意粉食落亦感覺好creamy，非常美味。碟上仲畫咗兩個貓貓肉球，so cute 😍
生椰拿鐵🥥☕️：有淡淡嘅椰香味，配合latte 味道都幾配合。
Post
