富聲魚翅海鮮酒家 (Closed)

我幫襯咗富聲超過十年，食物質素最高，就算價錢唔平，都只去佢個道飲茶和食晚飯。平均一個月一次。有外國客人就更加一定帶佢地來食好食的廣東菜。最緊要食過其他所謂高級中菜餐廳，全部都得個名，又貴又水準平平。富聲的質素都比我初初去時退步了少少啦。但係，都重係香港最好食的廣東菜。豬肺花膠一定要叫，乳豬都超好食。樣樣點心都好好食。我原本以為佢地最貴，原來大錯特錯。佢哋最貨真價實。又送飯後甜點，而且係好有水準的甜品。服務呢，0k啦！多客的時候係可能會唔夠人手，但睇得出樓面都盡了力。鬼叫香港租金貴，又每2年被增加租金，係咁㗎喇。資源去咗租金到。總之，想吃超高質素廣東菜，富聲最貨真價實。希望佢地點都keep 住的超高性價比的水準呀。