Video
Read full review
2012-01-09
411 views
前陣子係土瓜灣食完羊肉餐 意尢未盡 又想食羶羶既羊肉暖胃 決定近近地食番個羊腩煲係黃埔有得食羊腩煲既地方不少 但同呀爸呀媽素來黎開呢到食 因為呢到既打冷小菜同樣不俗加上有煲仔飯供應六點鐘去到 伙記們重食緊飯 但已經接近滿座 好采早到一步 記得以前羊腩煲分開兩個大細 原本打算得三個人食個細既都夠 點知今次去得番一個size 唉~變相加價 焗住比貴啲 anyway胃納強大既我冇擔心過會食唔哂我地叫左羊腩煲,雙腸煲仔飯,白膳煲仔飯,炒豆苗同埋兩支啤酒($13一支大威獅)炒豆苗($46)普通油菜賣$3x 但豆苗貴啲要$46 正常地 最快上台係佢 大大碟 唔算好油 羊腩煲($198)幾客羊腩煲一次過上 見到有台人又係食羊腩煲不過佢地應該幾早黎 其他野都食得七七八八先同我地一起上個羊腩煲 提醒各位 黎食羊腩煲真係唔好太早 否則等到火起時 食咩都冇味啦~真係一分錢一分貸 200蚊好足料 少有地羊腩羊肉多過配料 雖然有啲羊肉係碎濕濕 但至少我地食極都有食極都食唔哂 有時候食羊腩煲一陣就冇哂羊腩真係到喉唔到肺 今次完全冇呢回事! 味道不過不失 但最緊要係食得暢快食唔停口!只係......老爸認為唔夠筍唔
係黃埔有得食羊腩煲既地方不少 但同呀爸呀媽素來黎開呢到食 因為呢到既打冷小菜同樣不俗加上有煲仔飯供應
六點鐘去到 伙記們重食緊飯 但已經接近滿座 好采早到一步
記得以前羊腩煲分開兩個大細 原本打算得三個人食個細既都夠 點知今次去得番一個size 唉~變相加價 焗住比貴啲 anyway胃納強大既我冇擔心過會食唔哂我地叫左羊腩煲,雙腸煲仔飯,白膳煲仔飯,炒豆苗同埋兩支啤酒($13一支大威獅)
炒豆苗($46)
普通油菜賣$3x 但豆苗貴啲要$46
正常地 最快上台係佢 大大碟 唔算好油
羊腩煲($198)
幾客羊腩煲一次過上 見到有台人又係食羊腩煲不過佢地應該幾早黎 其他野都食得七七八八先同我地一起上個羊腩煲 提醒各位 黎食羊腩煲真係唔好太早 否則等到火起時 食咩都冇味啦~
真係一分錢一分貸 200蚊好足料 少有地羊腩羊肉多過配料 雖然有啲羊肉係碎濕濕 但至少我地食極都有食極都食唔哂 有時候食羊腩煲一陣就冇哂羊腩真係到喉唔到肺 今次完全冇呢回事! 味道不過不失 但最緊要係食得暢快食唔停口!
只係......老爸認為唔夠筍唔夠馬碲 我只可以講...魚與熊掌不可兼得啦
雙腸煲仔飯($45),白膳煲仔飯(68)見到台台都有一小煲一小煲就知呢到既煲仔飯同樣係招牌菜啦
餐派上冇白膳只有黃膳 但問呀姐時佢有話有喎 睇黎白膳係時令野 各位黎到想食就要睇時運喇~
個飯共有七大舊白膳 膳夠滑唔多骨 與甜豉油+飯焦同食 味道一流!
至於個雙腸飯就較差了 絕非味道唔好 而係份量好少 雙腸各三小片
加埋都唔足一條 咁就收我45蚊 我唔好係屋企自己整 加上我地要三個人分 真係兩啖就變左淨煲仔飯......
下次食其他款式煲仔飯會加錢要雙腸 但絕對唔會再單叫雙腸飯了!!!
係呢到食過咁多次 總括而言食物水準保持得穩定 次次黎都食得開心 加上食物種類多 想食潮州野可以打冷 天口凍可以好似今次咁食煲仔飯,腩羊煲 家常小炒又夠大碟 最好就係日日開到零晨兩,三點 同FD夜晚晚黎食宵夜隊隊啤 絕對係不二之選唯一既問題係價錢略貴 打冷來說比起MK個啲要貴 同埋宜家物價係咁升 咩都加價 相信好快呢到又會換MENU了~
Post
