貴族蛋糕

Open Now

Now Closed

太子有間人氣餅店叫貴族旦糕。每次我過花墟買花後必到此餅舖碰碰運氣，因這間老字號的產品質素唔差，用料正價錢大眾化；咁多年仍能屹立不倒時有其因由。據餅店職員講所有蛋糕和曲奇餅的麵粉是採用日本貨的。日本芝士蛋糕佢地售買的芝士蛋糕是低糖，對不太喜愛食太甜的人士是一個健康的選擇。蛋香芝士味濃，焗完後一D都唔乾身。最重要是價錢實惠($24)，所以每日都很快售馨。芒果忌廉端士卷買相與坊間的卷蛋沒太大分別，但食落蛋糕鬆軟，內裹的芒果肉大大粒又新鮮；再加埋香滑忌廉，食得滋味。曲奇雜餅欵式很多，全是自家製作；亦有不同味道可供客人選擇。如香濃朱古力曲奇，香脆夏威夷果仁曲奇，士多啤梨曲奇，咖啡典奇，綠茶曲奇等等。曲奇鬆化香口，再沖壼靚茶一齊享用，人生一大樂事。